آئندہ مالی سال کے بجٹ میں تنخواہ دار طبقے کو بڑا ریلیف دینے کی تیاریاں، مختلف تنخواہوں پر انکم ٹیکس کی شرح میں کمی کی تجاویز زیر غور ہیں۔

ذرائع کے مطابق حکومت نے ماہانہ 83 ہزار روپے تک تنخواہ لینے والے افراد کو ٹیکس سے مکمل استثنیٰ دینے کی تجویز دی ہے، جس کے بعد اس آمدنی کے حامل افراد کو کسی قسم کا انکم ٹیکس ادا نہیں کرنا پڑے گا۔

ماہانہ ایک لاکھ روپے تک تنخواہ لینے والوں کے لیے ٹیکس کی شرح میں 2.5 فیصد کمی کی تجویز دی گئی ہے، جبکہ ایک لاکھ 83 ہزار روپے ماہانہ آمدنی پر انکم ٹیکس کی موجودہ شرح 15 فیصد سے کم کر کے 12.5 فیصد کرنے پر غور کیا جا رہا ہے۔

اسی طرح دو لاکھ 67 ہزار روپے ماہانہ تنخواہ پر انکم ٹیکس کی شرح 25 فیصد سے کم کر کے 22.5 فیصد مقرر کرنے کی تجویز دی گئی ہے، جب کہ تین لاکھ 33 ہزار روپے ماہانہ تنخواہ پر ٹیکس کی موجودہ شرح 30 فیصد سے کم کر کے 27.5 فیصد کرنے کی تجویز ہے۔

حکومت نے تین لاکھ 33 ہزار روپے سے زائد ماہانہ آمدنی پر انکم ٹیکس کی نئی شرح 32.5 فیصد مقرر کرنے کی بھی تجویز دی ہے۔

یہ تجاویز آئندہ بجٹ میں شامل کیے جانے کا امکان ہے، جن کا مقصد مہنگائی کے شکار تنخواہ دار طبقے کو ریلیف فراہم کرنا ہے۔