پاک فوج سے اظہار یکجہتی اور بھارتی جارحیت کے خلاف شبقدر بازار میں احتجاجی ریلی اور مظاہرہ، صحافیوں کی کال پر نکالی گئی ریلی اور مظاہرہ میں ہر طبقہ فکر سے وابستہ افراد نے شرکت کی۔
ضلع چارسدہ کی تحصیل شبقدر بازار میں ملکی سالمیت، پاک فوج سے اظہار یکجہتی اور بھارتی جارحیت اقدامات کے خلاف احتجاجی ریلی اور مظاہرہ ہوا، شبقدر کے سینئیر صحافیوں کی کال پر نکالی گئی ریلی اور مظاہرے میں مذہبی سیاسی جماعتوں کے مقامی رہنماؤں علماء کرام، سماجی شخصیات تاجر تنظیموں،صحافیوں سمیت ہر طبقہ فکر سے وابستہ افراد نے شرکت کی، شرکاء نے بینرز اور پلے کارڈز اٹھا کر پاک فوج سے اظہار یکجہتی، بھارتی حکومت اور فوج کے خلاف نعرے درج کئے تھے شبقدر بازار میں نکالی گئی ریلی اور مین چوک میں احتجاجی مظاہرے سے خطاب کرتے ہوئے شرکاء نے کہا کہ ہندوستان کا پاکستان کو پہلگام واقعے سے جوڑنا ، جھوٹے بیانات اور پروپیگنڈوں کی سخت الفاظ میں مذمت اور مسترد کرتے ہیں اور آبی دہشت گردی نامنظور کرتے ہیں شرکاء نے کہا کہ ہندوستان کسی غلط فہمی کا شکار نہ ہو، پاکستان انتہائی مضبوط ہاتھوں میں ہے پوری قوم پاک فوج کیساتھ مکمل یک جہتی سے بھارت کی جارحیت کا منہ توڑ جواب دے گی انہوں نے کہا کہ ہم اپنی فوج کے شانہ بشانہ کھڑے ہو کر دشمن کے عزائم کو خاک میں ملانے کےلئے ہر وقت تیار ہے۔
