ایبٹ آباد: جان شیر خان سکواش کمپلیکس میں جاری قیصر خان میموریل سکواش چیمپئن شپ اختتام پذیر ہو گئی۔ اوپن فائنل میں مطیب نے ابراہیم قدر کو 1-3 سے شکست دے کر ٹائٹل اپنے نام کیا۔ ویٹرنز فائنل میں سردار عارف نے شہزاد خان کو ہرایا جبکہ انڈر 10 بوائز فائنل میں شاہ میر نے عبیداللہ کو شکست دی۔ اختتامی تقریب میں ڈی جی جی ڈی اے شارخ علی خان مہمان خصوصی اور ملک غلام مرتضیٰ اعوان گیسٹ آف آنر تھے۔ ڈائریکٹر ٹورنامنٹ طارق محمود اور سیکریٹری سید ابرار شاہ نے رپورٹ پیش کی۔ مہمانوں کو شیلڈز اور خوبصورت ٹرافیاں دی گئیں۔