رواں ہفتے سے یکم جولائی تک بارشوں کا سلسلہ شروع

محکمہ موسمیات کے مطابق 26جون سے یکم جولائی کے دوران تیز گرج چمک کے ساتھ چند مقامات پر موسلادھار بارش کا امکان ہے۔27 جون سے یکم جولائی کے دوران اسلام آباد، راولپنڈی، جہلم، چکوال میں تیز ہوا اور گرج چمک کے ساتھ بارش جب کہ کئی مقامات پر موسلادھار بارش کی توقع ہے۔28جون سے یکم جولائی تک گلگت بلتستان کشمیر، کے پی کے، چترال، سوات، مانسہرہ، ایبٹ آباد یں تیز ہوا گرج چمک کے ساتھ بارش ہو گی۔محکمہ موسمیات کے مطابق 28 سے 30 جون تک تیز بارش کے بعد اسلام آباد، راولپنڈی، نارووال میں اربن فلڈنگ کا خدشہ ہے، آندھی چلنے کے باعث روز مرہ کے معمولات متاثر ہونے، کمزور انفراسٹرکچر کو نقصان پہنچنے کا خدشہ ہے۔ محکمہ موسمیات نے تمام متعلقہ اداروں کو الرٹ رہنے کی ہدایت کی ہے۔