ڈائریکٹوریٹ آف ایلیمینٹری اینڈ سیکنڈری ایجوکیشن خیبرپختونخوا نے سرکاری مڈل، ہائی اور ہائیر سیکنڈری اسکولوں میں خالی آسامیاں پُر کرنے کے لیے اساتذہ کی بھرتی کا آغاز کر دیا ہے۔ یہ بھرتیاں یونیسیف کے تعاون سے کی جا رہی ہیں تاکہ تعلیم کے شعبے کو مزید مستحکم بنایا جا سکے۔
اس سلسلے میں تمام مرد و خواتین ضلعی تعلیمی افسران کو ہدایت کی گئی ہے کہ وہ اپنے اپنے اضلاع کے اسکولوں کی سطح پر درکار اساتذہ کی فہرست مرتب کر کے بروز پیر 21 مئی 2025 تک متعلقہ دفتر کو ارسال کریں۔
متاثرہ اضلاع میں باجوڑ، بنوں، بٹگرام، بونیر، ڈیرہ اسماعیل خان، دیر اپر، ہنگو، خیبر، کوہستان لوئر، کرم، لکی مروت، مہمند، مردان، شمالی وزیرستان، اورکزئی، شانگلہ، جنوبی وزیرستان لوئر، جنوبی وزیرستان اپر، صوابی، سوات، ٹانک، تورغر شامل ہیں. یہ اقدام دور دراز علاقوں میں تعلیمی معیار کو بہتر بنانے اور بچوں کو بہتر تعلیمی سہولیات فراہم کرنے کے لیے اٹھایا جا رہا ہے۔
