سیکرٹری محکمہ ماحولیات، موسمیاتی تبدیلی، جنگلات اور جنگلی حیات خیبر پختونخوا شاہد زمان قبائلی ضلع اورکزئی کا دورہ کیا اس موقع پر ڈپٹی کمشنر اورکزئی محمد عرفان الدین، کنزرویٹرز جنگلات و جنگلی حیات، ڈی۔ایف۔اوز فارسٹ اور وائلڈ لائف ڈویژن اورکزئی بھی ان کے ہمراہ تھے۔سیکرٹری ماحولیات و جنگلات نے لوئر اورکزئی میں مختلف مقامات بشمول لال میلہ، درہ مانی خیل، لنڈوکہ ٹاپ، زیڑہ پارک، زیڑہ نرسری اور زیڑہ مشترکہ چیک پوسٹ کا دورہ کیا اور وہاں پر جنگلات، وائلڈ لائف اور نان ٹمبر فارسٹ پروڈیوس کے دائرہ کار کا جائزہ لیا۔انہوں نے متعلقہ حکام کو ٹمبر سمگلنگ روکنے اور ٹمبر مافیا کے خلاف سخت کارروائی کرنے کی ہدایات جاری کیں۔ انہوں نے موجودہ جنگلات کو محفوظ رکھنے اوراس میں مزید اضافے کیلئے بھی قابل عمل لائحہ عمل طے کرنے کی ہدایت کی۔