شمالی وزیرستان میں طویل عرصے کے بعد برف باری ہوئی۔ جس سے موسم نہایت خوشگوار ہو گیا۔ تاہم سردی کی شدت میں بھی نمایاں اضافہ ریکارڈ کیا گیا۔ برف باری شروع ہوتے ہی بچے اور نوجوان گھروں سے باہر نکل آئے اور برف کے ساتھ کھیل کر اس حسین منظر سے لطف اندوز ہوتے رہے۔ برف باری دیکھ کر شہری خوشی سے نہال نظر آئے، جبکہ سردی بڑھنے کے باعث گرم کپڑوں اور دیگر موسمی اشیاء کے استعمال میں بھی اضافہ ہو گیا ہے۔ دوسری جانب محکمہ موسمیات کے مطابق آئندہ چند دنوں میں مزید سرد موسم رہنے کا امکان ہے جبکہ بالائی علاقوں میں برف باری کا سلسلہ دوبارہ شروع ہو سکتا ہے۔