گورنر ہاؤس کا دورہ کرنیوالے طلباء کا تعلق بلوچستان کے اضلاع کوئٹہ، لورالائی، ژوب، موسی خیل، ہرنائی، کوہلو،زیارت مستونگ،شیرانی، پشین اور دکی سے تھا۔ طلباء نے گورنر خیبرپختونخوا حاجی غلام علی سے ملاقات کی، گورنر ہاؤس پشاور سے متعلق تاریخی معلومات حاصل کیں۔ پرنسپل پروفیسر گل دار علی خان سمیت کالج کے اساتذہ یوسف شیرازی، اکبر خان، سردار علی خان بھی طلباء کے ہمراہ تھے۔ گورنر نے بلوچستان کے تمام اضلاع کے طلباء کو گورنر ہاوس آمد ہر خوش آمدید کہا۔ گورنر کی طلباء کو ملکی ترقی، ریاست و ریاستی اداروں کیخلاف منفی پروپیگنڈا کے خاتمہ کیلئےکردار ادا کرنیکی ہدایت۔ طلباء اپنی تعلیم کے درست استعمال سے موثر کردار ادا کریں۔ طلباء کو اپنے اپنےاضلاع کے قدرتی وسائل پر تحقیق کرکے علاقائی غربت کے خاتمہ میں اہم کردار ادا کرنا ہو گا۔ گورنر خیبر پختونخوا کا کہنا تھا کہ خیبر پختونخوا اور بلوچستان کی روایات و ثقافت مشترک ہے۔ دونوں صوبوں کے نوجوانوں پر ملک و صوبہ کی ترقی و خوشحالی کی زیادہ زمہ داری ہے۔
