سوات: پیشہ ورانہ گداگروں کے خلاف آپریشن

ڈپٹی کمشنر سوات شہزاد محبوب کی خصوصی ہدایت پر اسسٹنٹ کمشنر بریکوٹ سید محمد ثاقب نے پولیس کے اہلکاران کے ہمراہ بریکوٹ بائی پاس میں پیشہ ور گداگروں کے خلاف آپریشن کیا۔آپریشن کے دوران 02 پیشہ ور گداگروں کو گرفتار کر کے پولیس اسٹیشن بریکوٹ منتقل کر دیا گیا، کارروائی کی زد میں آنے والے پیشہ ور گداگروں میں زیادہ تر غیر مقامی تھے، گرفتار ہونے والے پیشہ ور گداگروں میں خواتین بھی شامل ہیں۔پولیس سٹیشنز میں ضروری کارروائی کے بعد غیر مقامی گداگروں کو ضلع بدر کیا جائیگا۔ ڈپٹی کمشنر سوات نے ضلع سوات کو پشہ ورانہ گداگروں سے پاک کرنے کیلئے آپریشنز کی واضح ہدایات جاری کی ہیں اور کہا ہے کہ آپریشنز اس وقت تک جاری رہینگے جب تک ان پیشہ ورانہ گداگروں کا مکمل خاتمہ نہ ہو جائے۔