ماں کے دودھ کی اہمیت اور افادیت سے متعلق آگاہی کا عالمی مہینہ تخت بھائی میں بھی منایا جا رہا ہے اس حوالے سے تحصیل ھیڈکوارٹر ھسپتال تخت بھائی میں محکمہ صحت خیبر پختونخواہ ،یونیسف، اور ڈبلیو ایف او کی جانب سے ماں کے دودھ کی اہمیت سے متعلق تقریب اور واک کا اہتمام کیا گیا جس میں “ماں کے دودھ کی اہمیت کو اجاگر کرنےکیلئے عالمی مہینے کے موقع پر ٹی ایچ کیو ہسپتال تخت بھائی میں چلڈرن اسپیشلسٹ ڈاکٹر عاقل خان کی نگرانی میں واک کا اہتمام کیا گیا۔ جس میں ہسپتال کے ایم ایس ڈاکٹر عمران جوہر، دیگر ڈاکٹرز، پیرا میڈیکل اسٹاف، میڈیا نمائندگان اور عام شہریوں سمیت” لیڈی ہیلتھ ورکرز نے کثیر تعداد میں شرکت کی۔ تقریب کے شرکاء کا کہنا تھا بچوں کو ماں کا دودھ پلانے سے خود اعتمادی اور بچے کی شخصیت نکھر جاتی ہے جبکہ بچہ مختلف بیماریوں سے محفوظ رہتا ہے، بچے کی قوت مدافعت بڑھ جاتی ہے۔ انہوں نے کہا کہ بچے کی پیدائش کے پہلے چھ مہینے صرف ماں کا دودھ ہی بچے کو پلانا چاہئے جبکہ چھ مہینے کے بعد نرم غذا اور آہستہ آہستہ دیگر غذاؤں کا استعمال شروع کرنا چاہئے، انہوں نے کہا کہ دو سال تک بچے کو ماں کو دودھ ضرور پلانا ہوگا، انہوں نے کہا کہ اس حوالے سے پورا ہفتہ آگہی مہم چلائی جائے گی اور گھر گھر جاکر ماؤں کو دودھ کی اہمیت اور افادیت کے حوالے سے باخبر کیا جائے گا۔