نوجوانوں کو مثبت سرگرمیوں کی طرف راغب کرنے کیلئے سیکورٹی فورسز کے زیر اہتمام پارا چنار سپورٹس کمپلیکس میں امن فٹبال ٹورنامنٹ اختتام پزیر ہو گیا۔ اختتامی تقریب میں مقامی کمانڈنگ آفیسر ،ڈپٹی کمشنر اور ڈسٹرکٹ پولیس آفیسر نے خصوصی شرکت کی۔ ایک ماہ سے جاری ٹورنامنٹ میں ضلع بھر سے 32 ٹیموں نے حصہ لیا فائنل میچ موسی الیون اور صادق الیون کے مابین کھیلا گیا جسے سنسنی خیز مقابلے کے بعد موسی الیون نے ایک گول کی برتری سے میچ جیت کر امن ٹورنامنٹ کی ٹرافی اپنے نام کرلی۔ اختتامی تقریب میں مہمان خصوصی نے بہترین کارکردگی دکھانے والے کھلاڑیوں میں انعامات تقسیم کیے۔
