جامعہ پشاور اور ڈائریکٹوریٹ آف سوشل ویلفیئر اسپیشل ایجوکیشن و ویمن ایمپائرومنٹ کے درمیان تین سالہ معاہدہ طے پاگیا ہے معاہدہ پر دستخط کی تقریب جامعہ پشاور کے کمیٹی روم میں منعقد کی گئی جس میں صوبائی وزیر برائے سماجی بہبود، خصوصی تعلیم و ویمن ایمپائرومنٹ کے سید قاسم علی شاہ نے خصوصی شرکت کی ۔ معاہدے پر جامعہ پشاور کے واٸس چانسلر پروفیسر محمد نعیم قاضی اور فوکل پرسن ڈاکٹر عمران احمد ساجد اور سوشل ورک ڈائریکٹوریٹ سے ڈائریکٹر رفیق مہمند اور فوکل پرسن پلوشہ سجاد نے کئے ۔اس موقع پر پی اینڈ ڈائریکٹر پروفیسر بشری خان، سوشل ورک ڈیپارٹمنٹ کے سربراہ پروفیسر شکیل احمد سمیت دونوں جانب افسران نے شرکت کی۔
اس موقع پر صوبائی وزیر برائے سماجی بہبود سید قاسم علی شاہ نے معاہدہ کو عملی شکل دینے اور سوشل ورک طلباء و طالبات کیلئے تربیتی ورکشاپ اور روزگار کے مواقعوں پر زور دیا اور امید ظاہر کہ کہ معاہدے سے صوبائی حکومت کے دو بڑے پراجیکٹ ڈرگ فری پشاور اور بیگر فری پشاور پر جامعہ پشاور کے ساتھ روک تھام اور مانع نفسیاتی حکمت عملی سے موثر مہم سازی کی جائے گی۔اس موقع پر ڈائریکٹر سوشل ویلفیئر رفیق مومند نے معاہدہ کے تحت صوبے میں اپنی طرز کی پہلی بصارت سے محروم افراد کیلئے معاہدے کی رو سے بریل اکیڈمی کا قیام عمل میں لائے جانے کی تیاریوں پر جائزہ پیش کیا اور کہا کہ موجودہ حکومت کے دو بڑے پراجیکٹ ڈرگ فری پشاور اور بیگر فری پشاور سمیت ، معذور افراد کی دیکھ بھال پر موثر مہم چلائی جائے گی۔
وی سی جامعہ پشاور پروفیسر محمد نعیم قاضی نے سوشل ورک ڈائریکٹوریٹ کی جانب سے معاہدے کی پیشکش پر خراج تحسین پیش کیا اور اعادہ کیا کہ وہ ڈائریکٹوریٹ کے ساتھ تعاون کے سلسلے میں ایک قدم آگے جائیں گے۔ اس موقع پر ڈاکٹر شکیل احمد نے جامعہ پشاور کے شعبہ سوشل ورک کی جانب سے سوشل پالیسی و ری ہیبلیٹیشن کا نصاب متعارف کرانے کے اغراض و مقاصد بیان کئے اور بتایا کہ معاہدہ کی رو سے تحقیقی کام سے تھیوری اور پریکٹس کو ملانے کے ساتھ ساتھ عالمی تحقیقی جرائد میں مقالے شائع کئے جائیں گے
