ڈی پی او مہمند اکرام اللہ کی خصوصی ہدایات پر ڈی ایس پی سرکل امبار پشم گل خان کی نگرانی میں پولیس نے شہداء کو خراج عقیدت پیش کیا۔
ایس ایچ او تھانہ امبار خان رحمان، ایس آئی نیاز گل خان اور دیگر پولیس اہلکاروں نے شہید پولیس اہلکاروں کی قبروں پر حاضری دی، فاتحہ خوانی کی اور قبروں پر پھول چڑھائے۔
اس موقع پر قومی پرچم بھی لہرایا گیا اور شہداء کی قربانیوں کو سراہا گیا۔
ایس ایچ او خان رحمان اور ایس آئی نیاز گل خان نے اپنے خطاب میں کہا کہ شہداء کی قربانیاں قوم کا فخر ہیں اور ان کی یاد کو ہمیشہ زندہ رکھا جائے گا۔
تقریب کا اختتام معروف قول “شہید کی جو موت ہے، وہ قوم کی حیات ہے” کے ساتھ ہوا۔
