سوات میں منعقد دو روزہ سوات ٹریڈ شو 2024 ٹریڈ ڈیولپمنٹ اتھارٹی آف پاکستان اور سوات چیمبر آف کامرس کے اشتراک سے منعقد کیا گیا ہے جو 28 دسمبر سے 29 دسمبر 2024 تک جاری رہا۔ سوات تجارتی نمائش میں ضلع سوات سمیت ملک بھر کے مایہ ناز صنعت کاروں اور تاجر حضرات کو مدعو کیا گیا ہے جس میں وفاقی وزیر انجینئر امیر مقام نے بطور مہمان خصوصی شرکت کی۔ اس نمائش میں متعدد سٹالز لگائے گئے جس سے تاجر برادری ، کاروباری شخصیات اور سرمایہ کاروں کو سٹالز میں اپنی مصنوعات کی نمائش کا بہترین موقع فراہم ہوا۔ سوات کی تاریخ میں پہلی بار، جمز سٹون اور زمرد کے کاروبار سے وابستہ افراد کے خواب کو حقیقت میں بدلنے کے لیے سب سے بڑا ٹریڈ شو سوات میں منعقد ہوا ہے۔ دو روزہ تجارتی شو کا مقصد سوات اور آس پاس کے علاقوں میں تجارت اور سرمایہ کاری کے مواقع کو فروغ دینا تھا۔
