خیبرپختونخوا میں پولیو کے دو کیسز رپورٹ ، بنوں میں 28 ماہ کا ایک بچہ اور لکی مروت میں26 ماہ کی ایک بچی پولیو وائرس سے متاثر

نیشنل انسٹیٹیوٹ آف ہیلتھ اسلام آباد میں قائم ریجنل ریفرنس لیبارٹری برائے انسداد پولیو نے صوبہ خیبر پختونخوا میں دو پولیو کیسزکی تصدیق کی ھے۔ تفصیلات کے مطابق ضلع بنوں کے یونین کونسل سین تا نگہ میں 28 ماہ کے عمر کے ایک بچے جبکہ لکی مروت کے یونین کونسل بخمل احمد زئی میں 26 ماہ کے عمر کی ایک بچی میں پولیو وائرس کی تصدیق ھوئی ھے۔
اس طرح اس سال خیبر پختونخوا میں پولیو کیسز کی تعداد 5 ھو گئی, جن میں بنوں سے دو جبکہ لکی مروت، تورغر اور ڈیرہ اسماعیل خان سے ایک ایک کیس شامل ھے۔ اس سال ملک بھر میں پولیو کیسز کی مجموعی تعداد اب 10 ھو گئی جن میں خیبرپختونخوا سے 5, سندھ سے 4 جبکہ پنجاب سے ایک کیس رپورٹ ھوا۔
گزشتہ سال ملک بھر میں 74 پولیو کیسز رپورٹ ھو ئے تھے جن میں بلو چستان سے 27، سندھ سے 23, خیبر پختونخوا سے 22 جبکہ پنجاب اور وفاقی دارالحکومت اسلام آباد سے ایک ایک پولیو کیس شامل تھا۔