ہری پور میں ضلعی سطح پر خواتین کیلئے سپورٹس گالا کی رنگا رنگ افتتاحی تقریب کا انعقاد کیا گیا، جس میں ایڈیشنل ڈپٹی کمشنر (ADC) مصباح نے بطور مہمانِ خصوصی شرکت کرتے ہوئے افتتاح کیا۔ یہ تقریب کرٹس گراؤنڈ کے ہال میں منعقد ہوئی جہاں اسکول، کالج اور یونیورسٹی سطح کی خواتین کھلاڑیوں نے بڑی تعداد میں شرکت کی۔ اس ایونٹ میں نیٹ بال، ٹگ آف وار، تھروبال، ٹیبل ٹینس، بیڈمنٹن، والی بال، باسکٹ بال سمیت ایتھلیٹکس کے مختلف مقابلے منعقد ہوئے، جن میں خواتین نے اپنی بھرپور صلاحیتوں کا مظاہرہ کیا۔ افتتاحی دن پر متعدد مقابلے کامیابی سے منعقد ہوئے، اور شائقین نے خواتین کھلاڑیوں کی کارکردگی کو سراہا۔
ہری پور کی خواتین کھلاڑی ماضی میں بھی مختلف قومی و بین الاقوامی مقابلوں میں گولڈ میڈلز اور اعزازی ایوارڈز اپنے نام کر چکی ہیں، جو ضلع کی فخر کا باعث ہیں۔ اس ایونٹ کے انعقاد میں محکمہ کھیل اور ضلعی حکومت کی جانب سے مکمل تعاون فراہم کیا گیا، تاکہ تعلیمی اداروں کے طلباء و طالبات کو کھیلوں کے مواقع میسر آ سکیں۔ منتظمین کے مطابق اس طرح کی سرگرمیوں سے نہ صرف خواتین کی صلاحیتیں اجاگر ہوتی ہیں بلکہ انہیں قومی سطح پر آگے بڑھنے کا بہترین موقع بھی ملتا ہے۔