جنوبی وزیرستان: 23 مئی پولیو مہم کے لیئے سیکیورٹی انتظامات کا جائزہ

وانا۔۔ضلع جنوبی وزیرستان وانا میں 23 مئی کو ہونے والی پولیو مہم کے حوالے سے سکیورٹی خدشات کے پیش نظر محکمہ پولیو کی جانب سے تحصیل سطح پر کارنرمیٹنگز کا انعقاد کیا گیا جس میں مختلف پولیس تھانوں کے SHOs نے ڈی پی او خانزیب مہمند کے ہدایت پر شرکت کو یقنی بنائی ہیں ۔
محکمہ پولیو کے اعلیٰ اہلکاروں نے واضع کردیا کہ پچھلے سالوں جنوبی وزیرستان سب ڈویژن وانا میں ریفیوزل کیسز ذیادہ سامنے ارہے تھے اور پولیو ٹیموں میں بعض اہلکاروں نے سرکاری اہلکاروں کے بچوں کی انگلیوں پر صرف نشان لگاتے تھے اس بار کسی کے ساتھ رعایت نہیں ہوگی خلاف ورزی کرنے کی صورت میں قانونی کاروائی کی جائیگی ۔محکمہ صحت کے مطابق اس بار سکیورٹی کے حوالے سے صورت حال ناگفتہ ہے پولیس کی تعاون درکار ہیں ۔
دوسری جانب سکیورٹی کے حوالے سے پولیس تھانہ رغزائی کے ایڈیشنل ایس ایچ او سیف الله وزیر اور انگوراڈہ تھانہ کے انچارج زبیح الله نے میڈیا سے گفتگو کرتے ہوئے کہاکہ ڈی پی او ساوٴتھ وزیرستان خانزیب خان مہمند کے ہدایت کے مطابق 23 مئی کو ہونے والی پولیو مہم میں پولیو ٹیموں کو فل پروف سکیورٹی دینگے اور انکاری والدین کے خلاف بروقت کاروائی کرینگے انھوں نے کہاکہ ہر پولیو ٹیم کے ساتھ دو/دو پولیس اہلکار بطور سکیورٹی گارڈ دیئے جائینگے انچارج انگوراڈہ زبیح الله نے مذید کہاکہ پولیو مہم کو ثبوتاژ کرنے کی مد میں کسی کو اجازت نہیں دی جائیگی ۔