مالی مشکلات سے دو چار خیبرپختونخوا کے خواجہ سراؤں کے لیے انڈونمنٹ فنڈ کے قیام کا فیصلہ کیا گیا ہے۔ اس ضمن میں صوبائی حکومت نے بل تیار کرلیا ہے جس کے تحت فنڈز کے ذریعے حکومت خواجہ سراؤں کی فلاح و بہبود،مالی معاونت، باروزگار بنانے کی کوشش کرے گی۔
خیبرپختونخوا خواجہ سرا ویلفئیر انڈونمنٹ فنڈ ایکٹ 2022 تیار، آج اسمبلی میں پیش کیا جائے گا۔ خواجہ سراؤں کو کاروبار کے لیے بلا سود قرضے دیئے جائیں گے۔ بل کے تحت 6 ممبران پر مشتمل کمیٹی تشکیل دی جائے گی۔ بل کا مقصد خواجہ سراؤں کی معاشی ضروریات کو پورا کرنا، مالی لحاظ سے مستحکم بنانا اور اپنے پاؤں پر کھڑا کرنا ہے۔
