دیر لوئر میں 15 روزہ امن سپورٹس گالا شروع ہوگیا

دیر لوئر میں 15 روزہ امن سپورٹس گالا شروع ہوگیا
پشاور(سپورٹس رپورٹر)ڈسٹرکٹ ایڈمنسٹریشن دیر لوئر اور محکمہ سپورٹس کے زیر اہتمام 15 روزہ امن سپورٹس گالا شیخانو گراونڈ دیرمیں شروع ہوا جس میں کرکٹ،کبڈی،رسہ کشی،مارشل آرٹس کے علاوہ مختلف مقابلے ہوں گے افتتاحی تقریب میں ڈسٹرکٹ سپورٹس آفیسر ابرار احمد آل سپورٹس ایسوسی ایشن کے صدر ملک شاہ نسیم یوسفزئی جنرل سیکرٹری مسلم خان ویلج کونسل کے چیئرمین محمد یوسف ضیاء الحق پاکستان تحریک انصاف کے بانی کارکن سعید اللہ خان جی کے علاوہ علاقے کے سیاسی و سماجی شخصیات نے شرکت کرکے تقریب کو چار چاند لگائے۔اس موقع پر صدر آل سپورٹس ایسوسی ایشن دیر لوئر ملک شاہ نسیم نے
تنظیم نوجوانان شیخانو کو بہترین پروگرام کے انعقاد پر خراج تحسین پیش کیااور امید ظاہر کی کہ اس طرح کے ایونٹس مستقبل میں منعقد کئے جائینگے۔