پشاور: ڈائریکٹریٹ سوشل ویلفیئر سپیشل ایجوکیشن اینڈ وومن ایمپاورمنٹ ضم اضلاع میں مستحق طلباء میں (سکالرشپ) اور سپیشل پرسنز میں سلائی مشین اور ویل چیئرز کی افتتاحی تقریب۔ صوبائی وزیر انورزیب خان نے بحیثیت مہمان خصوصی تقریب میں شرکت کی۔
اس موقع پر سوشل ویلفیئر ڈیپارٹمنٹ ضم اضلاع کے حکام بھی موجود تھیں۔

صوبائی وزیر انورزیب خان نے اجلاس کی صدارت کرتے ہوئے کہا کہ سوشل ویلفیئر ڈیپارٹمنٹ عوام کیلئے زیادہ سے زیادہ سہولیات فراہم کرنے کیلئے کوشاں ہے.سوشل ویلفیئر ڈیپارٹمنٹ کیلئے بجٹ 2022-23 میں پہلے سے زیادہ بجٹ رکھا گیا ہے.

اس موقع پرصوبائی وزیر انورزیب خان نے مستحق سپیشل طلباء میں فی کس 50 ہزار روپے کے چیکس اور سپیشل خواتین میں سلائی مشینیں اور ویل چیئرز بھی تقسیم کی۔
صوبائی وزیر انورزیب خان کا کہنا تھا کہ ضم اضلاع کے 1000 مستحق سپیشل طلباء میں 5 کروڑ روپے تقسیم کریں گے۔ اس کے علاوہ خواتین اور سپیشل پرسنز میں سلائی مشینیں اور ویل چیئرز بھی تقسیم کیے جائیں گے۔

صوبائی وزیر انورزیب خان نے متعلقہ حکام کو ہدایات جاری کرتے ہوئے کہا کہ عوام کے فلاح و بہبود کیلئے اپنے کام ایمانداری سے جاری رکھتے ہوئے خصوصاً سپیشل افراد کو زیادہ سے زیادہ سہولیات فراہم کی جائیں۔