برمنگھم میں کامن ویلتھ گیمز میں پاکستان کےایتھلیٹ ارشد ندیم نے جیولن تھرو کے فائنل میں گولڈ میڈل جیت لیا۔ ارشد ندیم نے سب سے لمبی نوے اعشاریہ ایک آٹھ میٹر کی تھرو کی۔
کامن ویلتھ گیمز میں جیولن تھرو کے فائنل میں ارشد ندیم نے پہلی کوشش میں چھیاسی اعشاریہ آٹھ ایک میٹر تھرو کی۔ ندیم کی شاندار کامیابی پر ملک کے سرکردہ رہنماؤں بشمول صدر مملکت اور پاک فوج کے سربراہ نے قوم کو مبارکباد کے پیغامات دیئے اور ندیم کی شاندار کارکردگی کو سراہا۔
صدرمملکت عارف علوی، آرمی چیف جنرل قمرجاوید باجوہ اور ڈی جی آئی ایس پی آر میجر جنرل بابر افتخار نے قومی ایتھلیٹ ارشد ندیم کو شاندار کارکردگی پر مبارکباد پیش کی ہے۔
سماجی رابطے کی ویب سائٹ ٹوئٹر پر اپنے پیغام میں صدرعارف علوی کا ارشد ندیم کو جیولین تھرو میں ریکارڈ قائم کرنے پر مبارکباد دیتے ہوئے کہنا تھا کہ کامن ویلتھ گیمز میں طلائی تمغہ جیتنے پر مبارک، آپ قوم کا فخر ہیں۔
ارشد ندیم کو جیولین تھرو میں ریکارڈ قائم کرنے اور کامن ویلتھ گیمز 2022 میں طلائی تمغہ جیتنے پر بہت بہت مبارک ہو۔
آپ قوم کا فخر ہیں۔#CommonwealthGames2022 #CWC2022 pic.twitter.com/UuBfWEtmPm— The President of Pakistan (@PresOfPakistan) August 7, 2022
آرمی چیف جنرل قمرجاوید باجوہ نے کہا کہ قومی ایتھلیٹ ارشد ندیم نے کامن ویلتھ گیمز میں اپنی محنت اور بہترین کارگردگی سے تاریخ رقم کردی ہے، گولڈ میڈل جیتنے پر مبارک، ارشد ندیم قوم کا فخراور ہمارا قومی ہیرو ہے۔
ادھر ڈی جی آئی ایس پی آرمیجر جنرل بابرافتخار کا اپنے پیغام میں کہنا تھا کہ ارشد ندیم نے شاندارکارکردگی کا مظاہرہ کیا، شاباش، ارشد ندیم ! آپ نے پاکستان کا سرفخرسے بلند کیا ہے، پاکستان زندہ باد!
General Qamar Javed Bajwa, COAS congratulates Arshad Nadeem for creating history with his exceptional performance in #CWG setting a new record. “Arshad Nadeem is pride of the nation and our national Hero” COAS pic.twitter.com/oh1BY5R59h
— DG ISPR (@OfficialDGISPR) August 7, 2022
کامن ویلتھ گیمز میں پاکستانی ایتھلیٹ ارشد ندیم نے تاریخی تھرو پھینک کر سونے کا تمغہ جیتا تھا ،ارشد ندیم نے فائنل میں 90اعشاریہ 18میٹر کی ریکارڈ تھرو کی تھی۔
