پاکستان میں پہلی مرتبہ منعقد نیشنل وژن 2032 اور اس کے بعد اعلیٰ تعلیم کے مستقبل پر قومی کانفرنس کا انعقاد۔
صوبائی وزیر کامران بنگش نے اس مو قع پر خطاب کرتے ہوئے کہا کہ خیبر پختونخوا کی تاریخ میں پہلی دفعہ دس سالہ اعلی تعلیم وژن پر کام کیا جارہا ہے۔
ہم اعلیٰ تعلیم کا معیار بلند کر رہے ہیں جس سے آنے والی نسلوں کو فائدہ ہوگا، کامران خان بنگش نے کہا۔ انکا کہنا تھا کہ خیبرپختونخوا کے تعلیمی اداروں کو دنیا کے بہترین تعلیمی اداروں میں بدلنے کے لیے یہ دس سالہ وژن لائے ہیں۔
اور دس سالہ پروگرام میں ہم اساتذہ کی تربیت، گروپ ورک، صلاحیت سازی کی حکمت عملی پر بھی کام کریں گے۔ موجودہ حکومت نے اعلی تعلیم کے لئے تاریخی کام کیے جن کی مثال پچھلے 60 سال میں نہیں ملتی۔ کامران خان بنگش مزید کہا کہ جنرلائزڈ کورسز سے ہمیں 2030 تک سپیشلائزڈ کورسز میں منتقل ہونا ہوگا۔
مستقبل مصنوعی ذہانت اور روبوٹکس کا ہے، نوجوانوں کو اس میں شارٹ کورسز کرنے ہونگے، افسوس ہے ہمارے ہاں اس پر توجہ نہیں دی جاتی۔
اگلے دس سالوں میں خیبرپختونخوا کی اعلی تعلیم میں بہترین نئے دنیا کے لیڈنگ کورسز اور شارٹ کورسز متعارف کرا رہے ہیں۔
اگلے دس سالوں میں کوشش ہے کہ تمام نوجوانوں کو مفت تعلیم دیں۔ یونیورسٹیز فیکلٹی، این جی او، پرائیویٹ پارٹنرز، تھنک ٹینکس اور دیگر شراکتداروں نے اپنے ایڈیز سے آگاہ کیا، ان میں اچھے ائیڈیاز کو عمل میں لایا جائے گا۔
