ضم اضلاع کے سرکاری کالجوں کو ٹرانسپورٹ کی سہولت فراہم کرنے کےلئے خیبر پختونخوا حکومت کا انقلابی اقدام۔
ضم اضلاع کے کالجوں کو 45 ہائی ایس گاڑیاں فراہم کر دی گئیں .وزیر اعلیٰ خیبر پختونخوا محمود خان نے کالجوں کے پرنسپلز کو گاڑیوں کی چابیاں حوالے کیں۔
اگلے مرحلے میں ان کالجوں کو بسیں بھی فراہم کی جائیں گی۔ جبکہ یہ گاڑیاں 15 گرلز کالجوں ، 24 بوائز کالجوں اور چھ کامرس کالجوں کو دی گئی ہیں۔ ضم اضلاع میں نئے قائم کیے جانے والے کالجوں کو بھی گاڑیاں فراہم کی جائیں گی۔ضم اضلاع کے کالجوں کو گاڑیوں اور بسوں کی فراہمی کے منصوبے پر مجموعی طور پر 1.18 ارب روپے لاگت آئے گی۔
اس موقع پر وزیر اعلیٰ محمود خان نے کہ کہ ضم اضلاع کے کالجوں کو ان گاڑیوں اور بسوں کی فراہمی سے طلبہ اور تدریسی عملے کو ٹرانسپورٹ کی سہولت میسر ہوگی اور ضم اضلاع کے کالجوں کی تدریسی سرگرمیوں میں خاطر خواہ بہتری آئے گی۔ انھوںے نے کہا کہ ضم اضلاع کی پائیدار بنیادوں اور تیز رفتار ترقی کے لیے الگ سے 10 سالہ پروگرام شروع کیا گیا ہےاورصوبائی سالانہ ترقیاتی پروگرام اور تیز رفتار ترقیاتی پروگرام میں ضم اضلاع میں شعبہ اعلیٰ تعلیم کے لئے 17 ارب روپے مالیت کے منصوبے رکھے گئے ہیں۔
ضم اضلاع میں آئندہ تعلیمی سال سے مزید 10 کالجز کو فعال کیا جائے گااس مقصد کے لیئے اگلے بجٹ میں شعبہ اعلیٰ تعلیم کے بجٹ میں مزید اضافہ کریں گے۔
