وزیراعلٰی خیبرپختونخوا محمود خان کا دورہ کوہاٹ، متعدد ترقیاتی منصوبوں کا افتتاح کر دیا۔ ضیاء اللہ بنگش اور شہریار آفریدی وزیراعلٰی کے ہمراء۔
وزیراعلٰی نے کوہاٹ سپورٹس کمپلیکس کا افتتاح کر دیا۔ منصوبہ 26 کروڑ 20 لاکھ روپے کی لاگت سے مکمل کیا گیا۔
وزیراعلٰی خیبرپختونخوا نے گورنمنٹ گرلز ڈگری کالج استرزئی اور گورنمنٹ گرلز ڈگری کالج بلی ٹنگ کا افتتاح کیا۔ ان منصوبوں پر بالترتیب 23 کروڑ اور 21 کروڑ روپے لاگت آئی ہے۔
اس موقع پرگورنمنٹ ہائیر سیکنڈری سکول نمبر 4 کوہاٹ اور ریسکیو 1122 اسٹیشن شکردرہ کا بھی افتتاح کیا۔ یہ منصوبے بالترتیب 2کروڑ 80 لاکھ اور تین کروڑ 60 لاکھ روپے کی لاگت سے مکمل کئے گئے ہیں۔
وزیراعلٰی نے تحصیل گمبٹ کی عمارت کا سنگ بنیاد رکھ دیا۔ منصوبہ 29 کروڑ روپے کی لاگت سے مکمل کیا جائے گا۔
وزیراعلٰی نے 32 کلومیٹر طویل جواکی گوزدرہ روڈ کی توسیع کا بھی افتتاح کیا۔ منصوبے پر 83 کروڑ روپے کی لاگت آئی ہے۔
وزیراعلٰی خیبرپختونخوا نے عباس چوک تا درہ ٹنل 6.4 کلومیٹر طویل سڑک کی بحالی کے منصوبے کا بھی افتتاح کیا۔ منصوبہ 22کروڑ 60 لاکھ روپے کی لاگت سے مکمل کیا گیا ہے۔
ٹائپ ڈی ہسپتال جواکی کے علاوہ سنی خیل سڑک کا بھی افتتاح کیا ۔وزیراعلٰی خیبرپختونخوا نے مستحق خاندانوں میں احساس کفالت کارڈز بھی تقسیم کئے۔
