Daily Archives: March 25, 2024

صوبائی حکومت کی ہدایات کی روشنی میں پشاور اپ لفٹ پروگرام فیز ٹو کے تحت پشاور کی تاریخی قصہ خوانی بازار کی تزئین و آرائش اور اس کی تاریخی حیثیت کی بحالی کے حوالے سے کمشنر پشاور ڈویژن محمد زبیر کی زیر صدارت اہم اجلاس منعقد ہوا جس میں ایس پی ٹریفک پشاور، پراجیکٹ انجینئر پشاور اپ لفٹ پروگرام، ڈائریکٹر ایسٹ کیپٹل میٹروپولیٹن گورنمنٹ پشاور، قصہ خوانی بازار کے تاجر رہنماؤں اور دیگر متعلقہ حکام نے شرکت کی ۔اجلاس میں صوبائی حکومت کی ہدایات کی روشنی میں تاریخی بازار قصہ خوانی کی تزئین و آرائش اور تاریخی حیثیت کی بحالی کے حوالے سے مختلف تجاویز پر غور کیا گیا اجلاس میں فیصلہ کیا گیا کہ تاریخی بازار کی تزئین و آرائش کا کام رمضان المبارک میں ہی شروع کیا جائیگا اور اس سلسلے میں ہنگامی بنیادوں پر 24 گھنٹوں کے اندر تجاوزات کے خلاف میگا آپریشن کیا جائے گا جس کے لیے ڈائریکٹر ایسٹ کیپٹل میٹروپولیٹن گورنمنٹ کو ذمہ داری سونپ دی گئی بازار کی خوبصورتی میں اضافے کے لئے تمام سائن بورڈز پشاور صدر کے طرز پر یکساں سائز اور یکساں رنگ کے حکومتی خرچ پر بنائے جائیں اس کے علاوہ ٹوٹ پھوٹ کا شکار بازار کے فٹ پاتھ قدیمی طرز پر جدید انداز میں ازسرنو بنائے جائیں گے بازار میں آج سے ہی دوکانوں سے باہر سامان رکھنے پر پابندی عائد کئی گی اور عارضی تجاوزات کے خاتمے کے لئے مستقل میونسپل اہلکار تعینات کرنے کا فیصلہ کیا گیا بازار میں دن کے اوقات لوڈنگ ان لوڈنگ پر پابندی ہوگی بازار کے تمام تاریخی عمارتوں کو بھی قدیمی طرز پر مرمت اور تزئین و آرائش کی جائے گی ابتدا میں آزمائشی طور پر کابلی گیٹ تا قصہ خوانی چوک کی تزئین و آرائش اور تاریخی حیثیت بحال کی جائے گی اور کامیابی پر اندرون شہر کے تمام تاریخی بازاروں کی اسی طرز پر تزئین و ارائیش اور تاریخی حیثیت بحال کی جائے گی اجلاس میں تاریخی بازار کو صرف پیدل چلنے والوں کے لیے مخصوص کرنے کی تجویز پر تجاویز طلب کر لی گئی اجلاس سے خطاب کرتے ہوئے کمشنر پشاور ڈویژن محمد زبیر نے تاریخی بازار کی تزئین و آرائش اور تاریخی حیثیت کی بحالی کا کام فوری طور پر شروع کرنے کی ہدایات جاری کرتے ہوئے یومیہ رپورٹ طلب کر لی۔

پشاور پی ڈی ایم اے خیبر پختونخوا نے شمالی وزیرستان کے اپریشن ضرب عضب کے ان متاثرین کیلئے جن کی ابھی تک اپنے گھروں کو واپسی نہیں ہوئی ہے ۔ ماہوار مالی امداد کی مد میں 35 کروڑ روپے سے زائد کے فنڈز جاری کردئیے جو کہ حسب معمول سم میسجنگ کے ذریعے سے موصول ہو جائینگے ۔ ڈائریکٹر جنرل پی ڈی ایم اے قیصر خان کے دفتر سے جاری ہونے والے ایک بیان میں کہا گیا ہے کہ مذکورہ مالی امداد شمالی وزیرستان کے 17 ہزار سے زائد خاندانوں دی جا رہی ہے جو کہ نادرا سے باقاعدہ تصدیق شدہ ہیں ۔ اس موقع پر ضم قبائلی اضلاع کیلئے پی ڈی ایم اے کے ڈائریکٹر  صوبیہ حسام طورو نے بتایا کہ حالیہ ریلیز اس سلسلے کی 114 ویں قسط ہے جس میں ہر تصدیق شدہ خاندان کو مجموعی طور پر 20 ہزار روپے نقد مالی امداد اور راشن الاؤنس کے طور پر دئے جارہے جو کہ ان کے رجسٹرڈ سم کارڈ کے ذریعے سے انہیں ائندہ ایک دو دنوں میں ملنا شروع ہو جائینگے ۔ صوبیہ حسام طورو نے مزید بتایا کہ متاثرین کی مالی مشکلات کو کم کرنے کیلئے عید سے پہلے بھی فنڈز جاری کئے جائینگے تاکہ ضرب عضب کے بے گھر متاثرین بھی رمضان اور عید کی خوشیوں میں شریک ہو سکے ۔

غیر قانونی افغان باشندوں کی وطن واپسی کا سلسلہ تیزی سےجاری و ساری ہے ۔  24 مارچ 2024ء تک پاکستان چھوڑنے والے غیر قانونی افغان باشندوں کی کل تعداد 520,692 تک پہنچ چکی ہے اور واپسی کا یہ سلسلہ ابھی بھی جاری و ساری ہے۔12 مارچ سے 24 مارچ تک 7186 افغان شہریوں میں 2874 مرد، 1543 خواتین اور 2769 بچے اپنے ملک چلے گئے، افغانستان روانگی کیلئے 284 گاڑیوں میں 298 خاندانوں کی اپنے وطن واپسی عمل میں لائی گئی۔

صوبائی حکومت اور محکمہ خوراک کے اعلی حکام کی ہدایات کی روشنی میں خیبرپختونخواہ کے دیگر اضلاع کی طرح ضلع ایبٹ آباد میں روزانہ کی بنیاد پر بازاروں کا معائنہ جاری ہے۔ ڈسٹرکٹ فوڈ کنٹرولر  شاد محمد نے اپنی ٹیم کے ہمراہ قلندر آباد بازار، سبحی کوٹ روڈ ، مانگل قلندر آباد موٹر وے انٹر چینچ اور گرد نواح  میں قصا بوں ،مرغ فروشوں نا نبائیوں ، دودھ رہی فروشوں ، سبزی فروٹ اور دیگر ایشاۓ خوردونوش دوکانوں کی انسپکشن کی اور متعد گرانفروشوں کو مراسلے کے ہمراہ پولیس کے حوالے کیا گیا جہاں ملزمان کو 24 گھنٹے حوالات میں رکھنے کے بعد  مزید قانونی کاروائی کے یے ایف آئی آرز درج کر کے ڈسٹرکٹ فوڈ کنٹرول کی عدالت میں پیش کیا جائے گا۔