یونیورسٹی آف لکی مروت نے کیمپس میں داخلوں کا اعلان کردیا

ایک تاریخی پیشرفت میں یونیورسٹی آف لکی مروت کے چیئرمین ایچ ای سی پروفیسر ڈاکٹرمختاراحمداور دیگر اہم اسٹیک ہولڈرز کے ساتھ وسیع بات چیت اور مشترکہ کوششوں کے بعد کیمپس میں داخلے شروع کرنے کی اجازت دی گئی ہے۔ یہ اعلان وائس چانسلر پروفیسر ڈاکٹر شکیب اللہ نے ادارے کیلئے  ایک اہم سنگ میل قرار دیتے ہوئے کیا۔ وائس چانسلر نے ان لوگوں کا تہہ دل سے شکریہ ادا کیا جنہوں نے اس سنگ میل کو حاصل کرنے میں اہم کردار ادا کیا۔ انہوں نے چیئرمین ایچ ای سی پروفیسر ڈاکٹر مختار احمد، سیکرٹری  ایچ ای ڈی ارشد خان کے تعاون اور رہنمائی کا اعتراف کرتے ہوئے کرنل امیر اللہ مروت (سابق ایم این اے) کا خصوصی شکریہ ادا کیا۔ انہوں نے پروفیسر ڈاکٹر شفیق الرحمٰن (مشیر کوالٹی ایشورنس ایچ ای ڈی کے پی)، عمران اللہ مروت (ڈائریکٹر کوالٹی ایشورنس ایچ ای ڈی کے پی)، پروفیسر ڈاکٹر فضل ہادی (ڈائریکٹر ریجنل ڈائریکٹوریٹ آف ہائر ایجوکیشن ساؤتھ بنوں) اور دیگر کی خدمات کو بھی سراہا۔ مزید برآں وائس چانسلر نے یونیورسٹی کی داخلہ ٹیم کی لگن اور محنت کو سراہا۔ انہوں نے خصوصی طور پر رجسٹرار صدام الاسلام، اسسٹنٹ پروفیسر ڈاکٹر ناصر رحمان، اسسٹنٹ پروفیسر ڈاکٹر عابد علی خان، اسسٹنٹ پروفیسر ڈاکٹر ظاہر شاہ اور اسٹیبلشمنٹ سیکشن کے جناب انعام اللہ خان کا ذکر کیا جنہوں نے صبح سے شام تک انتھک محنت کی۔ یہ نقطہ نظر ایک حقیقت ہےکیمپس میں داخلوں کیلئے یہ منظوری لکی مروت یونیورسٹی کیلئے ایک نئے باب کی نشاندہی کرتی ہے۔ جس سے اس کی تعلیمی پیشکشوں میں اضافہ ہوگا اور خطے کے طلبہ کے لیے زیادہ مواقع فراہم کیے جائیں گے۔