تہوار کیلاش کی تینوں وادیوں رمبور، بریر اور بمبوریت میں منایا جا رہا ہے۔ مذہبی تہوار میں مختلف رسومات کی ادائیگی کا سلسلہ جاری۔فیسٹیول میں شارا بیرایک کی رسم ادا کی گئی۔ گندم سے بکری، مارخور، دنبے اور مختلف جانوروں کے مجسمے تیار کئے گئے۔ٹورازم پولیس کے جوان فیسٹیول کے دوران سیاحوں کو ہرقسم سہولیات فراہم کررہے ہیں۔ ٹورازم پولیس لواری ٹنل اور کیلاش کو جانے والے راستوں پر ڈیوٹی سرانجام دے رہے ہیں۔سیاح جانے سے قبل ٹورازم ہیلپ لائن 1422 سے ہرقسم کی معلومات حاصل کرسکتے ہیں،
ڈی جی ٹورازم اتھارٹی تاشفین حیدر کا کہنا تھا کہ یہ تہوار موسم سرما کیلئے خوشی اور امن کی علامت کے طور پر منایا جاتا ہے۔کیلاش قبیلے کے تاریخی اور ثقافتی چاؤموس تہوار میں بون فائر کا تہوار بھی منایا گیا۔فیسٹیول میں بچے اور بچیاں اپنے چھوٹی چھوٹی پتیاں اٹھائے گانا گاتے اور مختلف رسمیں ادا کیں۔چاؤموس فیسٹیول میں شیشائو، منڈاہیک اور شارا بیرایک سمیت مختلف رسومات ادا کی گئیں۔آپس میں پیار و محبت بانٹنے، امن کا پیغام دینے اور اتحاد کیلئے پھل، سبزیاں اور خشک میوجات تقسیم کئے گئے۔
