’’ٹورڈی پشاور‘‘سائکل ریس 26 جنوری کو منعقد ہوگی، 150 سائیکلسٹس حصہ لیں گے

ڈائریکٹوریٹ جنرل آف سپورٹس خیبر پختونخوا کے تعاون سے ٹورڈی پشاور سائکل ریس 26 جنوری کو منعقد ہوگا۔ سائکل ریس صبح 10 اٹک خیر آباد سے شروع ہوکر پشاور چمکنی کے مقام پر اختتام پزیر ہوگا. جس میں چاروں صوبوں، گلگت بلتستان اور مختلف اداروں کے 150 سائیکلسٹ حصہ لیں گے۔ اس ایونٹ کے انعقاد کیلئے ڈائریکٹوریٹ جنرل آف سپورٹس نے تمام انتظامات کو حتمی شکل دی ہے۔ یہ ایونٹ وزیر اعلی خیبر پختونخوا سردار علی امین خان گنڈاپور کے کھیلوں کی ترقی کے حوالے سے ویژن کے مطابق صوبائی وزیر کھیل اور امور نوجوانان سید فخر جہان کی قیادت میں روایتی کھیلوں کے فروغ کی جانب ایک اہم قدم ہے جسے ڈائریکٹوریٹ جنرل کی ٹیم کی کوششوں سے منعقد کیا جارہا ہے۔