ضلع لکی مروت کے معروف و مشہور جید عالم دین وفاق المدارس العربیہ پاکستان کے سابق ناظم اعلیٰ شیخ الحدیث مولانا مفتی محمدانور شاہ کی نماز جنازہ مجاہد فٹ گراونڈ لکی مروت سٹی میں ادا کردی گئی۔ نمازجنازہ میں قائد جمعیت مولانا فضل الرحمٰن کے فرزندان سابق وفاقی وزیر مولانا مفتی اسعد محمود اور سابق امیدوار قومی اسمبلی لکی مروت مولانا اسجد محمود، جمعیت علمائے اسلام کے رہنماوں، کارکنوں، شاگردوں اور مختلف مکاتب فکر سے تعلق رکھنے والے افراد نے ہزاروں کی تعداد میں شرکت کی موصوف ناظم امتحانات وفاق المدارس العربیہ پاکستان رہ گئے ہے، استادالعلماء و استادالاستاد تھے آپ مفکراسلام مولانا مفتی محمود رح اور محدث العصر علامہ بنوری رح کےخاص تلامذہ میں سے تھے، حضرت مفتی محمود صاحب رحمہ اللہ کےنائب مفتی اور جامعہ قاسم العلوم ملتان کےاستاذالحدیث کے طور پر سالہاسال تک خدمات سرانجام دیتے رہے وہ عبید الرحمن، مفتی عبیداللہ، شاہدانور اور محمد کے “والد بزرگوار” تھے جبکہ جے یو آئی کے مرکزی رہنماء حکیم مولانا قاری سیف الرحمٰن کے “خالہ زاد” تھے۔