چیف سیکرٹری خیبر پختونخوا اور کمشنر ہزارہ ڈویژن کی ہدایات پر ڈپٹی کمشنر ایبٹ آباد حمید اللہ خان کی زیر نگرانی شہر کی صفائی، خوبصورتی اور مجموعی منظرنامے کو بہتر بنانے کے لیے خصوصی مہم کا آغاز کر دیا گیا۔  پہلے مرحلے میں ایبٹ آباد انٹرچینج سے فوارہ چوک تک خصوصی صفائی، سڑکوں کی مرمت، دیواروں کی پینٹنگ، نالوں کی صفائی اور سڑکوں کے کناروں سے جھاڑیوں اور غیر ضروری پودوں کی تلفی کے اقدامات کیے جائیں گے۔  ٹی ایم اے، لوکل گورنمنٹ، ڈبلیو ایس ایس پی اور این ایچ اے سمیت متعلقہ اداروں کو مربوط انداز میں کام مکمل کرنے اور صفائی کے تسلسل کو یقینی بنانے کی ہدایات جاری کر دی گئی ہیں۔  پہلے مرحلے کی تکمیل کے بعد مہم کا دائرہ شہر کے دیگر علاقوں تک بڑھایا جائے گا تاکہ ایبٹ آباد کو صاف ستھرا، خوبصورت اور منظم بنایا جا سکے۔