پشاور ماڈل ڈگری کالجز کی جانب سے سٹی یونیورسٹی آف سائنس اینڈ انفارمیشن ٹیکنالوجی پشاور میں ایک رنگا رنگ سائنس ایند آرٹ نمائش کا اہتمام کیا گیا۔ اس نمائش کے مہمان خصوصی جناب چئیرمین بورڈ آف انٹرمیڈیٹ اینڈ سکینڈری ایجوکیشن پشاور پروفیسرنصر اللہ خان یوسفزئی تھے ۔اس نمائش میں پشاور ماڈل ڈگری کالجز (بوائزاینڈ گرلز) کے علاوہ پشاور کے دیگر کالجز کے طلباء و طالبات نے بھی شرکت کی۔ نمائش میں طلباء و طالبات نے نہایت محنت سے مختلف قسم کے سائنسی ماڈلز تیار کئے تھے جب کہ آرٹ پر مشتمل نہایت عمدہ نمونے بھی رکھے گئے تھے۔ اس نمائش کی دلچسپ بات یہ تھی کہ فنکاروں نے ججز کے روبرو اپنے مصوری کے جوہر دکھائے ۔ مہمانِ خصوصی نے طلباء و طالبات کے ذوق وشوق کی داد دی اور جیتنے والے طلباء و طالبات میں اسناد اور شیلڈ زتقسیم کیئں جبکہ نمائش میں شرکت کرنے والے طلباء وطالبات کو اسناد سے بھی نوازا گیا ۔آخر میں ڈائریکٹرپشاور ماڈل ڈگری کالجز جناب محمد سہیل نے مہمانِ خصوصی کو کالج کی یادگاری شیلڈ پیش کی۔
