ایبٹ آباد ایوبیہ الصفہ چیمپئن ٹرافی کرکٹ ٹورنامنٹ کا دسواں ایڈیشن 12 جون سے شروع ہو گا۔ افتتاحی تقریب کے مہمانِ خصوصی عبد الرزاق عباسی (امیر جماعت اسلامی ضلع ایبٹ آباد) ہوں گے۔ پٹن کلاں میں کھیلوں کے فروغ اور نوجوان نسل کی چھپی صلاحیتوں کو پروان چڑھانے میں الصفہ سکول کا کردار ناقابل فراموش ہے ۔ تعلیم کے ساتھ ساتھ بچوں کو مثبت کھیلوں کی طرف راغب کرنے کے لیے الصفہ سکول نے یونین کونسل پٹن کلاں کی سطح پر اس ٹورنامنٹ کا آغاز کیا تھا جس کا دسواں ایڈیشن اس ماہ کی 12 تاریخ کو صبح 8 بجے باڑیاں کرکٹ گراؤنڈ میں شروع ہو گا جس میں 18 ٹیمز شریک ہوں گی۔ افتتاحی تقریب کے مہمانِ خصوصی عبد الرزاق عباسی (امیر جماعت اسلامی ضلع ایبٹ آباد) ہوں گے جبکہ اختتامی تقریب میں سردار شجاع نبی (تحصیل ناظم ضلع ایبٹ آباد) ہوں گے۔ ٹورنامنٹ جیتنے والی ٹیم کو 1 لاکھ 25 ہزار بمع ٹرافی جبکہ ہارنے والی ٹیم کو 65 ہزار بمع ٹرافی دیئے جائیں گے اس کے علاوہ عمدہ کارکردگی کا مظاہرہ کرنے والے کھلاڑیوں میں خصوصی انعامات بھی تقسیم کیے جائیں گے۔
![](https://voiceofkp.org/wp-content/uploads/2024/10/464392223_850477237256061_6528703137628728406_n-280x180.jpg)