نگران وزیراعظم اور نگران وفاقی وزیر داخلہ کی ہدایات پر اسلام آباد ٹریفک پولیس میں بنیادی اصلاحات

نگران وزیراعظم پاکستان کے وژن اور نگران وفاقی وزیر داخلہ سرفراز احمد بگٹی کی ہدایات پر اسلام آباد ٹریفک پولیس میں بنیادی اصلاحات کردی گئیں۔
بین الاقوامی معیار کا دو زبانوں پر مشتمل ڈرائیونگ لائسنس کا اجراء کیا جارہا یے۔
اسلام آباد پولیس کا جاری کردہ ڈرائیونگ لائسنس بین الاقوامی طور استعمال کیا جا سکے گا۔
ٹریفک دفتر ہفتہ کے روز بھی کھلا رہے گا۔ ہفتہ والے دن صبح 9 بجے سے شام 4 بجے کے اوقات کار میں ٹریفک دفتر کھلا رہے گا۔
ہفتہ کو چھٹی والے افراد بھی اپنے ڈرائیونگ لائسنس کا عمل مکمل کروا سکیں گے۔
ڈرائیونگ لائسنس برانچ روزانہ کے اوقات کار میں بھی 2 گھنٹے اضافی فرائض سر انجام دیے گی۔خواتین کےلئے خصوصی ڈرائیونگ سکول کا قیام عمل میں لایا گیا ہے۔دوران ڈرائیونگ موبائل فون کا استعمال ، دھواں چھوڑنے والی گاڑیوں اور زیبرا کراسنگ کی خلاف ورزی پر کارروائی کی خصوصی مہم کا آغاز کر دیا گیا ہے۔اس سے قبل قانون کی خلاف ورزی پر چالان کی رقوم میں بھی اضافہ عمل میں لایا جا چکا ہے۔کسی بھی ایمرجنسی کی اطلاع، ویڈیو، تصاویر یا پیغام کےلیے ICT-15 ایپ ڈاؤن لوڈ کریں۔
۔ICT-15 ایپ کے ذریعے کسی بھی وقت پولیس کی مدد حاصل کی جا سکتی ہے۔