کنوینر لٹیریری کمپیٹیشن محترم جناب ثناءاللہ ثانی پرنسپل گورنمنٹ ہائیر سیکنڈری سکول بمبوریت کی صدارت میں مقابلے کا آغاز ہوا۔ تلاوت کلام پاک کی سعادت مولانا قاری وقار احمد استاذ جی ایچ ایس بلچ نے حاصل کی۔ نعت رسولِ مقبول معروف سینیئر نعت خواں قاری شمس الدین ایس ایس ٹی گورنمنٹ ہائیر سیکنڈری سکول موری لشٹ نے پیش کیا۔ نقابت کے فرائض راقم نے انجام دیا۔ مقابلہ حسنِ قرات میں پہلی پوزیشن قاضی صبغت اللہ گورنمنٹ ہائیر سیکنڈری سکول دروش نے حاصل کی اور دوسرے نمبر پر گورنمنٹ سینٹینئل ماڈل ہائی سکول کے صابر حسین ائے۔ حمد باری تعالیٰ کے مقابلے میں پہلی پوزیشن جنید حیات گورنمنٹ ہائیر سیکنڈری سکول دروش کے حصے میں آئی اور اصغر دورانی گورنمنٹ ہائیر سیکنڈری سکول موری لشٹ دوسری پوزیشن کے حقدار ٹھہرے۔ مقابلہ آذان محمدی میں ڈائمنڈ پبلک سکول اینڈ کالج کے عماد بشیر نے پہلی پوزیشن حاصل کی۔نعت خوانی کے مقابلے میں گورنمنٹ ہائی سکول بلچ کے روحان احمد نے پہلی پوزیشن جبکہ شہزادہ سدیس گورنمنٹ ہائیر سیکنڈری سکول دروش نے دوسری پوزیشن حاصل کی۔ قومی ترانے کے مقابلے میں گورنمنٹ ہائیر سیکنڈری سکول دروش کے حذیفہ اور اس کی ٹیم اول آئے جبکہ دوسرے نمبر پر گورنمنٹ سینٹینئل ماڈل ہائی سکول چترال کے عیان اور ان کے ساتھی رہے۔ ملی نغمے کے مقابلے میں پہلی پوزیشن گورنمنٹ ہائیر سیکنڈری سکول دروش کے ارحام اور گروپ نے حاصل کیا اور دوسری پوزیشن چترال پبلک سکول اینڈ کالج کے عبد اللہ اور گروپ نے حاصل کی۔ اُردو تقریری مقابلے میں پہلی پوزیشن گورنمنٹ ہائی سکول کوغذی کے صابر اللہ جبکہ دوسری پوزیشن فرنٹیئر کور پبلک سکول دروش کے نعمان الہی نے حاصل کی۔انگلش تقریری مقابلے میں گورنمنٹ سینٹینئل ماڈل ہائی سکول چترال کے تنزیل الرحمن نے پہلی پوزیشن حاصل کی جبکہ گورنمنٹ ہائیر سیکنڈری سکول دروش کے اریب اللہ نے دوسری پوزیشن حاصل کی ۔ مقابلہ اردو مضمون نویسی میں آغا خان ہایئر سیکنڈری سکول کے توحید الرحمان نے پہلی پوزیشن حاصل کی جبکہ مقابلہ مضمون نویسی انگلش میں بھی آغا خان ہایئر سکینڈری سکول چترال کے صاحب نذیر نے پہلی اور گورنمنٹ ہائیر سیکنڈری سکول دروش کے امتیاز احمد نے دوسری پوزیشن حاصل کی۔ کوئز کمپٹیشن میں دی لینگ لینڈ سکول اینڈ کالج چترال کے علی مرتضیٰ اور افیاض الدین نے پہلی پوزیشن حاصل کی جبکہ فرنٹیئر کور پبلک سکول دروش کے کاشف احمد نے دوسری پوزیشن حاصل کی۔
پوسٹر میکنگ کے مقابلے میں الناصر کمیونٹی بیسڈ سکول اینڈ کالج گرم چشمہ کے فیضان احمد نے پہلی پوزیشن حاصل کی جبکہ گورنمنٹ ہائی سکول عشریت کے ضیاء الرحمن نے دوسری پوزیشن حاصل کی۔ پروگرام کے مہمان خصوصی پریذیڈنٹ انٹر سکول اسپورٹس اینڈ لیٹریری فیسٹیول 2024 جناب شاہد حسین ڈپٹی ڈی ای او میل لوئر تھے۔مختلف مقابلوں کے مہمان خصوصی کے طور پر محترم جناب سلیم کامل پرنسپل گورنمنٹ ہائیر سیکنڈری سکول دروش ، حاجی فاروق اعظم ڈپٹی ڈسٹرکٹ اسپورٹس سیکرٹری ، اے ڈی او سپورٹس جناب اکبر حسین صاحب ، ڈسٹرکٹ یوتھ آفیسر ،مولانا نثار احمد سبجیکٹ اسپیشلسٹ گورنمنٹ ہائیر سیکنڈری سکول آیون ، ظہور الہی سبجیکٹ اسپیشلسٹ انگلش گورنمنٹ ہائیر سیکنڈری سکول موری لشٹ ، محمد اسماعیل جنرل سیکرٹری پرائیویٹ ایجوکیشن نیٹ ورک ، فرید احمد پرنسپل چترال پبلک سکول شریک محفل رہے۔ مختلف مقابلوں کے لئے ججز کے پینل میں کنوینئر لٹیریری کمپیٹیشن جناب ثناءاللہ ثانی ، نثار احمد سبجیکٹ اسپیشلسٹ ، عبد الفتاح ایسوسی ایٹ پروفیسر انگلش، ظہور الہی سبجیکٹ اسپیشلسٹ انگلش ، طارق قاسم سبجیکٹ اسپیشلسٹ انگلش ، عبد اللہ شہاب لیکچرر اردو گورنمنٹ ڈگری کالج چترال ،مولانا سفیر اللہ ، مفتی فضل شاہ ،مولانا حسن الدین اور ولی زمان مسرور نے ججمنٹ کے فرائض انجام دیے۔ پروگرام کی سرپرستی محترم جناب شاہد جلال صاحب ڈسٹرکٹ سپورٹس سیکرٹری و پرنسپل گورنمنٹ سینٹینئل ماڈل ہائی سکول چترال نے کی جبکہ نگرانی کنوینر لٹیریری کمپیٹیشن ثناء اللہ ثانی کی قیادت میں محمد عالمگیر بخاری سبجیکٹ اسپیشلسٹ ، عبد الحفیظ خان سبجیکٹ اسپیشلسٹ ، عبد العزیز خان ایس ایس ٹی اور ڈاکٹر قاضی محب الرحمان نے کی۔ پروگرام میں پوزیشن ہولڈرز کو شیلڈ دینے کے ساتھ ججز حضرات اور منتظمہ کمیٹی کو بھی اپریسی ایشن سرٹیفکیٹ سے نوازا گیا۔ محترم سلطان محمد ایس ایس ٹی ، محترم جناب سلیم کامل پرنسپل ، محترم شاہد جلال ڈسٹرکٹ سپورٹس سیکرٹری ، محمد عالمگیر بخاری سبجیکٹ اسپیشلسٹ نے خطاب کیا۔ مہمان خصوصی جناب شاہد حسین ڈپٹی ڈسٹرکٹ ایجوکیشن آفیسر چترال لوئیر نے ڈسٹرکٹ اسپورٹس سیکرٹری جناب شاہد جلال صاحب اور ان کی ٹیم کا شکریہ ادا کیا اور بہترین پروگرام کے انعقاد پر خراج تحسین پیش کیا اور طلبہ کو بہترین نصائح سے نوازا اور اگلے ڈویژنل لیول کے مقابلوں کے لئے بھرپور تیاری کے لئے زور دیا ۔ پروگرام مولانا سفیر اللہ کی دعائیہ کلمات سے اختتام پذیر ہوا۔
