وفاقی وزیر داخلہ کے احکامات کی روشنی میں بجلی چوری اور اوور بلنگ میں ملوث عناصر کے خلاف کریک ڈاون جاری۔ایف آئی چھاپہ مار کاروائیاں اینٹی کرپشن سرکل پشاور اور کمپوزٹ سرکل ایبٹ آباد کی جانب سے کی گئیں۔ابتدائی تفتیش کے مطابق مین لائن سے براہِ راست اور میٹر میں چھیڑ چھاڑ کر کے اور بجلی چوری کی جا رہی تھی۔چھاپہ مار کاروائیاں نشتر آباد سب ڈویژن، خیر آباد جہانگیرہ سب ڈویژن ، پشتخرہ رہ پایان، ضلع ہری پور اور ایبٹ آباد میں واقع دوکانوں ، گھروں اور دفاتر پر کی گئی۔مذکورہ مقامات پر غیر قانونی طور پر براہِ راست کنڈا لگا کر میٹر میں چھیڑ چھاڑ کر کے اور بے ضابطہ کنکشن لگا کر بجلی چوری کی جا رہی تھی۔کاروائیوں میں پیسکو حکام نے موقع پر غیر قانونی کنکشنز منقطع کر دئیے۔غیر قانونی بجلی کی فراہمی کے لیے استعمال ہونے والی کیبل اور دیگر سامان کو بھی ضبط کر لیا۔بجلی چوری سے قومی خزانے کو کروڑوں روپے کا نقصان ہو رہا تھا۔ ابتدائی تخمینہ کے مطابق خیر آباد جہانگیرہ سب ڈویژن میں بجلی چوری سے 5 کروڑ 75 لاکھ سے زائد مالیت کا نقصان پہنچ رہا تھا۔واجب الادا واجبات کی مد میں 16 کنکشن سے 11 لاکھ 38 ہزار روپے سے زائد واجب الادا واجبات کی ادائیگی کی گئی۔اسی طرح اوور بلنگ کی مد میں پستخارہ پائین میں 103 میٹرز کا جائزہ لیا گیا۔103 میٹرز میں سے 15 میٹرز پہ 23731 یونٹس کی اوور بلنگ نوٹ کی گئی۔ایف آئی اے کی جانب سے تمام سرکلز میں خصوصی چھاپہ مار ٹیمیں تشکیل دے دی گئی ہیں۔بجلی چوری میں ملوث عناصر کے خلاف گھیرا تنگ کیا جا رہا ہے۔
