لکی مروت کی تاریخ میں پہلی مرتبہ تن سازی مقابلوں کا انعقاد کیا گیا

لکی مروت کی تاریخ میں پہلی مرتبہ تن سازی مقابلوں کا انعقاد کیا گیا، مقابلوں کا انعقاد لمر آرگنائزیشن نے ڈسٹرکٹ یوتھ افس کے تعاون سے کیا تھا. مقابلوں میں لکی مروت اور سرائے نورنگ کے تن سازوں نے حصہ لیا، کیٹگری اے میں واجد خان بہترین تن ساز قرار پاکر لکی مروت کی تاریخ میں پہلی مرتبہ مسٹر مروت بن گئے۔ اسی طرح کیٹگری بی میں حماد خان بہترین تن ساز قرار پائے گئے اور مسٹر مروت جونیئر کے حقدار بن گئے۔ حسیب خان نے کیٹگری اے میں دوسری پوزیشن حاصل کی، اسی طرح آئی ایف سی اے سے سند یافتہ فٹنس کوچ لیکچرر محمد افنان خان کو بہترین کوچ کے ایوارڈ سے نوازا گیا۔ ججز کے فرائض سفیان خان شاکر عزیر خان اور بنوں سے ائے ہوئے مہمان کھلاڑیوں اسد خان اور نعیم خان نے ادا کیے، ایونٹ کے مہمان خصوصی ڈسٹرکٹ یوتھ افیسر عبدالقدیر بیٹنی تھے۔ اس موقع پر کھلاڑیوں نے تن سازی کے خوبصورت پوز پیش کیے۔ اس موقع پر مہمان خصوصی کا کہنا تھا کہ ہم ہر پلیٹ فارم پر نوجوانوں کو سپورٹ کرتے ہیں، لمر آرگنائزیشن کے چیرمین شاکر عزیر اور کا اس موقع پر کہنا تھا کہ ان مقابلوں کا مقصد نوجوانوں کو مثبت تفریح فراہم کرنے کے ساتھ ساتھ ان کو اگے بڑھنے کے مواقع فراہم کرنا ہے.