خیبر پختونخوا حکومت نے صوبے کے چار اضلاع کے تمام مراکز صحت شمسی توانائی پر منتقل کرنے کا فیصلہ کیا ہے۔ مشیر صحت احتشام علی کے مطابق پشاور، صوابی، نوشہرہ، ہری پور کے تمام نان ٹیچنگ ہسپتالوں کو شمسی توانائی پر منتقل کیا جائے گا۔ مشیر صحت کا کہنا ہے سولرائزیشن ہیومن کیپٹل انسویسٹمنٹ پروگرام کے تحت ان چار اضلاع کے 195 مراکز صحت کی سولرائزیشن ہوگی۔ ان مراکز صحت میں 151 بنیادی مراکز صحت 25 دیہی مراکز صحت، 13 کیٹگری ڈی ہسپتال اور 6 یٹگری سی ہسپتال شامل ہیں۔ محکمہ صحت کے مطابق پروجیکٹ کا مقصد ان اضلاع میں پرائمری ہیلتھ کئیر کی خدمات کو بہتر بنانا ہے۔