محکمہ ٹرانسپورٹ خیبرپختونخوا نے فضائی آلودگی کا سبب بننے والی گاڑیوں کے خلاف کارروائیاں جاری ہیں۔ تازہ کاروائیاں پشاور ، سوات اور ڈیرہ اسماعیل خان سمیت دیگر اضلاع میں کی گئی۔ محکمہ ٹرانسپورٹ کی جانب سے چالان کی گئی گاڑیوں کی دستاویزات تحویل میں لے کر گاڑی مالکان کو ایک ہفتے میں سرٹیفکیٹ لینے کی ہدایت جاری کردی گئی ہیں۔ محکمہ ٹرانسپورٹ خیبر پختو نخو ا کے مطابق گزشتہ ماہ نومبر میں چودہ ہزار سے زائد دھواں چھوڑنے والے گاڑیوں کی لیبارٹری چیکنگ کی گئی۔ دھواں چھوڑنے والی 6 ہزار سے زائد گاڑیوں کو چالان کیا گیا۔
