پشاور پریس کلب کے میگا سپورٹس ایونٹ آر ایم آئی کرکٹ میڈیا لیگ کا آغاز

پشاور پریس کلب کے زیراہتمام آر ایم آئی میڈیا کرکٹ لیگ جمخانہ کرکٹ گراﺅنڈ پشاور میں شروع ہوگئی افتتاحی روز پی پی سی مارخور اور پی پی سی قلندر نے کامیابی حاصل کی ، پہلے میچ میں پی پی سی مارخور نے پی پی سی بلز کو8 وکٹوں سے شکست دی پی پی سی بلز کی ٹیم نے ٹاس جیت کر پہلے بیٹنگ کرتے ہوئے مقررہ 8 اوورز میں68 رنز بنائے جس میں عدنان 10 ، عارف 29 ، جاوید 12 رنز کے ساتھ نمایاں سکور رہے پی پی سی مارخور کی طرف سے عابد ، ارشاد علی اور ارشد یوسفزئی نے ایک ایک کھلاڑی کو آﺅٹ کیا جواب میں پی پی سی مارخور نے مطلوبہ ہدف 2 کھلاڑیوں کے نقصان پر پورا کیا ارشد یوسفزئی نے 39 اجمل 18 رنز کے ساتھ نمایا بلے باز رہے ارشد یوسفزئی کو بہترین کارکردگی پر مین آف دی میچ قرار دیا گیا سابق صدر پشاور پریس کلب سیف السلام سیفی نے انعامات تقسیم کئے ان کے ہمراہ پریس کلب کے جنرل سیکرٹری عرفان موسی زئی، سپورٹس کمیٹی کے چیئرمین عابدخان، بھی موجود تھے۔ ، میڈیا کرکٹ لیگ کا دوسرا میچ پی پی سی سٹار اور پی پی سی قلندر کے مابین کھیلاگیا جس میں پی پی سی سٹار نے پہلے بیٹنگ کرتے ہوئے مقرررہ اوورز میں 64 رنز بنائے جس میں ذیشان 27 اور وحید الرحمان17 رنز کے ساتھ نمایاں سکوررہے ، پی پی سی قلندر کی طرف سے عمر قیوم نے بہترین باﺅلنگ کرتے ہوئے ہیٹر ک کی ، جواب میں پی پی سی قلندر نے دو وکٹوں کے نقصان پر مطلوبہ ہدف پورا کیا عمر قیوم 23 ، ذیشان 17 رنز کے ساتھ نمایاں بیٹسمین رہے ۔ اس موقع پر پشاور پریس کلب کے صدر ارشد عزیز ملک مہمان خصوصی تھے جنہوں نے انعامات تقسیم کئے ۔