میرانشاہ: کمانڈنٹ ٹوچی سکاوٹس اور ہمزونی کے مشران کےمابین جرگہ

 جنرل آفیسر کمانڈنگ سیون ڈویژن میجر جنرل عادل افتخار وڑائج کی ہدایت پر شمالی وزیرستان کی تحصیل میران شاہ میں آج مقامی برگیڈ کمانڈر کمانڈنٹ ٹوچی سکاوٹس بریگیڈیئر میرباز خان اور ہمزونی کے ملک ومشران کے مابین جرگہ ہوا۔ جرگے میں علاقے میں امن و استحکام برقرار رکھنے اور دہشتگردی کے خاتمے کیلئے باہمی کوشش کرنے پر اتفاق کیا گیا۔ شمالی وزیرستان کی تحصیل دتہ خیل کے علاقے شیرانی میں آج مقامی یونٹ کمانڈر نے قرات مقابلہ میں شرکت کیلئے رزگئی مدرسہ کا دورہ کیا اور مدرسہ مہتمم، ملاقات میں لڑکوں کیلئے مذہبی تعلیم کے اعلیٰ معیار، باہمی ہم آہنگی اور مستند اسلامی تعلیمات کے فروغ کیلئے موثر تجاویز پر تبادلہ خیال کیا گیا۔ آخر میں کمانڈر نے اچھی کارکردگی دکھانے والے طلباء کی حوصلہ افزائی کیلئے ان میں تحائف اور انعامات بھی تقسیم کیے۔ شمالی وزیرستان کی تحصیل غلام خان میں آج مقامی یونٹ کمانڈر لیفٹیننٹ کرنل نظر عباس نے غلام خان کے لوگوں اور نوجوانوں سے ملاقات کی اس موقع پر پاک افغان سرحد غلام خان زیرو پوائنٹ پر ڈیوٹی دینے والا پاک فوج کا میجر عبیداللہ بھی موجود تھے ملاقات میں تعلیم کی اہمیت و افادیت اور بلخصوص لڑکیوں کی تعلیم کے فروغ دینے، کھیلوں کی سرگرمیوں کو فروغ دینے، اسکولوں میں اساتذہ کی تعیناتی کرنے اور انتظامی امور میں درپیش مسائل کے حل کے لیے خصوصی تجاویز پر تبادلہ خیال کیا گیا۔ شمالی وزیرستان کی تحصیل غلام خان کےعلاقے دیواگڑھ میں مقامی یونٹ کمانڈر نے دیواگڑھ کے نوجوانوں سے ملاقات کی۔ ملاقات میں نوجوانوں کو ملازمت کے مواقع فراہم کرنے، طلباء کو بہتر تعلیمی سہولیات مہیا کرنے ،لڑکیوں کی تعلیم کے فروغ اور درپیش مسائل کے حل کے لیے مؤثر اقدامات پر تبادلہ خیال کیا گیا ۔