نوشہرہ: 77ویں یومِ آزادی کے مناسبت سے سائیکل ریس اختتام پذیر

سائیکل ریس میں حصہ لینے والے کھلاڑی رِنگ روڈ پشاور سے جی ٹی روڈ سے ہوتے ہوئے نوشہرہ کینٹ، نوشہرہ مردان پُل پہنچے جہاں ریس اختتام پذیر ہوئی سائیکل ریس میں قومی اور مقامی سائیکل ریسلر نے حصہ لیا تھابعدازاں ڈپٹی کمشنر نوشہرہ نے نمایاں پوزیشن حاصل کرنے والے سائیکل ریسلر ز میں انعامات تقسیم کئے تفصیلات کے مطابق نوشہرہ کی ضلعی انتظامیہ اور محکمہ سپورٹس نوشہرہ کے زیرِاہتمام پاکستان کی 77ویں یومِ آزادی کے سلسلے میں سائیکل ریس کا انعقاد کیا گیا ۔جس میں قومی اور مقامی سطح پر سائیکل ریس کھیلنے والے کھلاڑیوں نے حصہ لیا تھا۔ سائیکل ریس میں حصہ لینے والے تمام کھلاڑیوں نے رِنگ روڈ پشاور سے ریس شروع کرکے جی ٹی روڈ سے ہوتے ہوئے ۔ نوشہرہ کینٹ مردان پُل پر ریس اختتام پذیر ہوئی۔ اس موقع پر محکمہ سپورٹس کے ڈسٹرکٹ آفسر زکاء اللہ اور ضلعی انتظامیہ کے افسران نے ریس مسلسل مانیٹر کرتے رہے ریس کی اختتام پر ریس میں نمایاں پوزیشن حاصل کرنے والے کھلاڑی اویس خان سمیت دیگر کھلاڑیوں میں ڈپٹی کمشنر افس نوشہرہ میں ڈپٹی کمشنر عرفان اللہ محسود نے انعامات تقسیم کئے ریس کے شرکاء اور موقع پر موجود ضلعی افسران سے خطاب کرتے ہوئے ڈپٹی کمشنر نے کہا کہ اس طرح صحت مندانہ سرگرمیوں کے انعقاد کا مقصد نوجوانوں کو مثبت مقابلوں کی طرف راغب کرنا ہے نوجوانواں کو مثبت مقابلوں اور جیت کیلئے محنت لگن اور جدوجہد کرنی چاہئے مثبت سرگرمیوں کے مقابلوں سے انسان میں محنت لگن اور جدوجہد سمیت آگے بڑھنے کی صلاحیتیں پیدا ہوجا تی ہے۔