پشاور : جشن آزادی کے موقع پر گورنر ہاؤس کے دروازے شہریوں کیلئے  کھولنے کا اعلان

جشن آزادی کے موقع پر گورنر ہاؤس کے دروازے شہریوں کیلئے  کھولنے کا اعلان کردیا گیا۔گورنر خیبرپختونخوا فیصل کریم کنڈی نے 13اگست کی شام گورنر ہاؤس میں ثقافتی تقریب اور آتش بازی میں شہریوں کو شرکت کی دعوت دے دی۔وڈیو پیغام میں گورنر خیبرپختونخوا فیصل کریم کنڈی نے کہا کہ صوبہ خیبر پختونخوا اور بالخصوص ذندہ دلان پشاور13 اگست کی رات دس بجے گورنر ہاؤس پشاور پہنچیں۔گورنر ہاؤس میں رات 10 بجے ثقافتی تقریب اور 12بجے آتش بازی کا مظاہرہ کیا جائے گا ۔یہ وطن ہمارے پاس امانت اور تحفہ ہے اسکی آزادی کا جشن خوف کے بت توڑ کر منائیں گے ۔آئیں 13اور 14 اگست کی درمیانی شپ اپنے وطن کے نام کریں جشن آزادی اور پاکستان کی خوشیوں میں شریک ہوں۔