ضلع اورکزئی کے نوجوانوں کے مسائل جاننے اور انہیں مثبت سرگرمیوں کی طرف راغب اور مصروف کرنے کے لئے ضلعی انتظامیہ اورکزئی اور اورکزئی سکاوٹس کے باہمی تعاون سے کلایہ ہیڈ کوارٹر لوئر سب ڈویژن اورکزئی میں ایک سیمینار منعقد ہوا جس کی صدارت مشترکہ طور پر ڈپٹی کمشنر اورکزئی جناب محمد عرفان الدین صاحب اور کمانڈنٹ اورکزئی سکاوٹس کرنل سعادت حسین صاحب نے کی جبکہ اس سیمینار میں ضلعی انتظامیہ اورکزئی، ضلعی پولیس کے افسران، ونگ کمانڈر 235 ونگ، اورکزئی سکاوٹس کےدیگر افسران کے علاوہ ضلع اورکزئی کے نوجوانوں  کی ایک کثیر تعداد نے شرکت کی۔ ضلع اورکزئی کے نوجوانوں نے انہیں درپیش مسائل پر بھرپور روشنی ڈالی۔ ڈپٹی کمشنر اورکزئی اور کمانڈنٹ اورکزئی سکاوٹس نے ضلع اورکزئی کے نوجوانوں کو اپنے خطاب میں ان کے مسائل اور انہیں مثبت سرگرمیوں کی طرف مصروف رکھنے کیلئے ہر ممکن تعاون کی یقین دہانی کرائی جسے سیمینار میں موجود نوجوانوں نے خوب سراہا۔