خیبر پختونخوا: سکول داخلہ مہم  کے دوسرے مرحلے کا باقاعدہ آغاز یکم ستمبر سے شروع

خیبر پختونخوا میں سکول داخلہ مہم 2024 کے دوسرے مرحلے کا آغاز یکم ستمبر ہوگیا۔پشاورسمیت خیبرپختو نخواکے تمام اضلاع میں داخلہ مہم 30 ستمبر تک جاری رہے گی۔ آج دو ستمبر بروز پیر سے صوبہ بھرکے سرکاری سکولوں میں داخلہ مہم کا باقاعدہ آغاز کردیاجائیگا۔سکول داخلہ مہم کے پہلے مرحلے میں ریکارڈ گیارہ لاکھ نوے ہزاربچوں کا داخلہ ہوا ہے ۔ دوسرے مرحلے میں 3 لاکھ  بچوں کو سکولوں میں داخل کرنے کا ہدف ہے۔سکول داخلہ مہم 2024 کے دونوں مرحلوں کو ملا کر مجموعی طور پر 1.5 ملین بچوں کو سکولوں میں لایاجائیگا۔پشاورسمیت خیبرپختونخوامیں 45لاکھ بچے سکولوں سے باہر ہیں۔صوبے کے تمام اضلاع کے ڈسٹرکٹ ایجوکیشن آفیسرز کو داخلہ مہم کامیاب بنانے کی ہدایت۔