خیبرپختونخوا آمن فٹبال ٹورنامنٹ کے سیمی فائنل میں باجوڑ اور وزیرستان کی ٹیموں کے درمیان سنسنی خیز اور شاندار مقابلہ ہوا۔ ڈپٹی کمشنر باجوڑ شاہد علی خان، کمانڈنٹ باجوڑ سکاؤٹس بریگیڈیئر سعد محمود،ڈی۔ایس۔پی سرکل خار عبد العزیز، ڈی۔ایس۔پی ٹریفک/سیکیورٹی قابل شاہ، کھلاڑیوں اور فٹبال کے شائقین نے بڑی تعداد میں شرکت کی اور میچ سے لطف اندوز ہوئی۔ دونوں ٹیموں کے درمیان سیمی فائنل میچ کا مقابلہ نہایت کانٹے دار رہا، جو مقررہ وقت تک برابر رہا۔ فیصلہ فلنٹی کیک پر ہوا، جس میں باجوڑ کی ٹیم نے دو کے مقابلے میں تین گول سے کامیابی حاصل کرکے فائنل میں جگہ بنائی۔
