مخصوص نشستوں کی الاٹمنٹ مکمل ہونے کے بعد قومی اسمبلی میں 334 نشستوں کی نئی پارٹی پوزیشن ۔مسلم لیگ ن 123 نشستوں کے ساتھ قومی اسمبلی میں سب سے بڑی جماعت قرارپا ئی۔ن لیگ نے 75 سیٹیں جیتیں 9 آزاد ، 34 خواتین اور 5 اقلیتوں کی نشستیں ملیں۔قومی اسمبلی میں سنی اتحاد کونسل کے ارکان کی تعداد 82 ہے۔پیپلز پارٹی کے ارکان کی مجموعی تعداد 73 ہو گئی۔پیپلز پارٹی نے 54 جنرل نشستیں جیتیں، خواتین کی 16 اقلیتوں کی 3 نشستیں ملیں۔ایم کیو ایم پاکستان کے ارکان کی مجموعی تعداد 22 ہے۔ایم کیو ایم کو 17 جنرل چار خواتین، 1 اقلیتوں کی نشست ملی۔
جمیعت علماء اسلام کے ارکان کی مجموعی تعداد 11 ہو گئی۔ جمیعت علماء اسلام نے 6 جنرل، 4 خواتین، 1 اقلیتوں کی نشست حاصل کی۔آئی پی پی کے 4 ارکان۔۔ تین جنرل، ایک خواتین کی نشست ملی۔ایم ڈبلیو ایم، مسلم لیگ ضیا، باپ، بی این پی، نیشنل پارٹی اور پی کے میپ کی ایک ایک نشست۔مسلم لیگ ق کے ارکان کی تعداد 5، تین جنرل نشستیں جیتیں، ایک آزاد شامل ہوا، ایک نشست خواتین کو ملی۔ قومی اسمبلی میں 8 ارکان کی آزاد حیثیت برقرار رکھی گئی ہے۔قومی اسمبلی کے ایک حلقے پر الیکشن نہیں ہوا، ایک کا نوٹیفکیشن روک رکھا ہے۔
