وزیر اعظم یوتھ ٹیلنٹ ہنٹ پروگرام، ہزارہ میں ٹیبل ٹینس ٹرائلز کا آغاز

پشاورپرائم منسٹر یوتھ ٹیلنٹ ہنٹ پروگرام کے تحت ہائیر ایجوکیشن کمیشن کے زیر نگرانی اسلامیہ کالج یونیورسٹی پشاور کے زیر اہتمام ہزارہ ریجن میل فی میل ٹیبل ٹینس کے دو روزہ ٹرائلز کا افتتاح ہزارہ یونیورسٹی مانسہرہ کے ساتھ الحاق شدہ گورنمنٹ کالج آف منیجمنٹ سائنسز مانسہرہ میں ہوگیا, ٹرائلز کا افتتاح وائس چانسلر ہزارہ یونیورسٹی مانسہرہ پروفیسر ڈاکٹر محسن نواز نے کیا, اس موقع پر ان کے ہمراہ گورنمنٹ کالج آف منیجمنٹ سائنسز مانسہرہ کے پرنسپل پروفیسر سید تصدیق حسین شاہ, کنٹرولر آف ایگزامینیشن سید عارف حسین شاہ, ڈائیریکٹر سپورٹس ہزارہ یونیورسٹی خالد جلال, چیف پراکٹر کالج ہٰذا شاہد منظور, پروفیسر اکرام الحق اور ہزارہ یونیورسٹی و کامرس کالج کے دیگر فیکلٹی ممبران بھی موجود تھے, جبکہ آرگنائزنگ سیکرٹری و ڈائیریکٹر سپورٹس اسلامیہ کالج یونیورسٹی پشاور علی ہوتی بھی دیگر آفیشلز کے ہمراہ موجود تھے ٹرائلز کے لیے کثیر تعداد میں میل و فی میل کھلاڑی آئے ہوئے تھے, انہوں نے رجسٹریشن کرکے ٹرائلز دیے, افتتاحی تقریب سے خطاب کرتے ہوئے وائس چانسلر ہزارہ یونیورسٹی مانسہرہ ڈاکٹر محسن نواز نے اسلامیہ کالج یونیورسٹی پشاور اور بالخصوص ہائیرایجوکیشن کمیشن کا بہت شکریہ ادا کیا کہ انہوں نے ہزارہ ریجن کے سنٹر کے لیے ٹرائلز وینیو کا انتخاب گورنمنٹ کالج آف منیجمنٹ سائنسز کا کیا, وائس چانسلر ڈاکٹر محسن نواز کے بقول ویسے تو پورا ہزارہ ریجن ٹیلنٹ کا گڑھ ہے لیکن گورنمنٹ کالج آف منیجمنٹ سائنسز کے مضافات میں جتنا ٹیلنٹ ہے اسکی مثال نہیں ملتی, تقریب کے آخر میں گیم کے ارگنائزنگ سیکریٹری و ڈائریکٹر سپورٹس سلامیہ کالج پشاور علی ہوتی نے وائس چانسلر کے مصروف شیڈول کے باوجود افتتاحی تقریب کی آمد پر انکا شکریہ ادا کیا اور نیک تمناؤں کے ساتھ رخصت کیا,