پشاور: خیبرپختونخوا کی نگران حکومت نے آئندہ 4 ماہ کا بجٹ تیار کر لیا۔ محکمہ خزانہ احمد رسول بنگش کے مطابق بجٹ یکم مارچ سے 30 جون 2024 تک کیلئے تیار کیا گیا ہے جس میں4 ماہ کے بجٹ کا تخمینہ 560 ارب روپے لگایا گیا ہے۔ محکمہ خزانہ کی جانب سے بتایا گیا کہ ابتدائی طور پر ایک ماہ کے بجٹ کی منظوری لی جائے گی کیونکہ موجودہ بجٹ کی مدت 29 فروری کو ختم ہو جائے گی جس کے بعد ایک روپیہ بھی خرچ کرنا غیرقانونی ہو گا۔ الیکشن سے ایک روز قبل وزارت خزانہ نے نئے مالی سال کا بجٹ شیڈول جاری کردیا. خیبرپختونخوا کا 11کھرب روپے سے زائد کا بجٹ پیش، تنخواہوں اور پنشن میں 10فیصد اضافہ. محکمہ خزانہ نے یہ بھی بتایا کہ روزمزہ کے امور چلانےکیلئے کم ازکم ایک ماہ بجٹ کی منظوری لازمی ہے، نگران حکومت نے 2 بار 4، 4 مہینوں کے لیے بجٹ کی منظوری دی تھی، بجٹ تیار کر کے منظوری کے لیے کابینہ کو بھیج دیا گیا ہے۔ احمد رسول بنگش کے مطابق یہ کابینہ کا اختیار ہے کہ 4 یا 1 مہینے کے لیے بجٹ کی منظوری دے، مستقل حکومت آئے گی تو پھر وہ بجٹ منظور کرے گی، فی الحال معمول کے امور چلانے کے لیے بجٹ کی منظوری لازمی ہے۔
بنوں: انسداد پولیو مہم کا آغاز
February 3, 2025
