پاڑاچنار : کرم امن کمیٹی ممبران کا جرگہ

ضلع کرم میں مستقل بنیادوں پر پائیدار امن کو یقینی بنانے کیلئے گورنر کاٹیج پاڑاچنار میں اعلی سطحی کرم امن کمیٹی ممبران کا جرگہ منعقد ہوا۔جس میں بریگیڈیر 73 بریگیڈ شہزاد عظیم ، ڈی پی او کرم نثار احمد خانPSP، ڈی سی کرم جاوید اللہ محسود ، کمانڈنٹ کرم ملیشیاء تیمور سلطان ، ایم پی اے علی ہادی عرفانی ، سابقہ پارلیمنٹیرینز، گرینڈ جرگے کے اراکین سمیت امن کمیٹی کے ممبران اور دیگر علاقائی مشران شریک ہوئے۔ امن جرگے میں مستقل بنیادوں پر ضلع کرم میں پائیدار امن و امان کو قائم کرنے اور دیگر مختلف اہم ایشو پر تفصیلی تبادلہ خیال ہوا اور امن کمیٹی کے ممبران نے یقین دہانی کرائی کہ وہ تمام تر مسائل کا پرامن حل نکالنے کیلئے اپنی کلیدی کردار ادا کرینگے معاہدہ مری سمیت علاقائی اور گاؤں سطح پر فریقین کے درمیان سابقہ تمام فیصلہ جات برقرار رہے گی اور اس پر عمل درآمد کو یقینی بنانے کیلئے اور اس کو عملی جامہ پہنانے کیلئے حکومت کا ساتھ دینگے ضلع بھر میں آمد و رفت کے راستوں کو محفوظ بنانے کیلئے سیکیورٹی فورسز کے ساتھ ہر ممکن تعاون فراہم کرینگے اور جرگے کا اگلا سیشن بروز جمعرات ڈی سی کمپاونڈ صدہ میں ہو گا۔