کامسیٹس یونیورسٹی اسلام آباد، ایبٹ آباد کیمپس میں کانووکیشن کی تقریب کا انعقاد کیا گیا۔ جس میں 1296طلباء و طالبات کو ڈگریاں دی گئی جبکہ 58 طلباء و طالبات کو نمایاں پوزیشنز حاصل کرنے پر گولڈ،سلوراور براؤنزمیڈل اور 39طلباء و طالبات کو PhDکی ڈگریاں دی گئیں۔ جن میں سیشن فال 2024انسٹی ٹیویٹ گولڈ میڈل 3، انسٹی ٹیویٹ سلور میڈل 2 اور انسٹی ٹیویٹ براؤز 1دیا گیا۔ جبکہ کیمپس گولڈ میڈلز5، کیمپس سلور میڈل 3 اور کیمپس براؤز 1میڈل سے نوازا گیا ہے۔مزید سیشن سپرنگ 2024میں انسٹی ٹیویٹ گولڈ میڈل 7، انسٹی ٹیویٹ سلور میڈل 3 اور انسٹی ٹیویٹ براؤز 1دیا گیا۔ جبکہ کیمپس گولڈ میڈلز12، کیمپس سلور میڈل 11 اور کیمپس براؤز 9میڈل بھی دئے گئے۔ڈاکٹر ایس ایم جنید زیدی مہمان خصوصی تھے۔تقریب میں ممبر آف سینٹ، ممبر آف سینڈیکیٹ، ممبر آف ایکڈمک کونسل، مختلف کیمپسز کے ڈائریکٹرز، بورڈ آف فیکلٹی،ڈینز آف فیکلٹی اور پروفیسر صاحبان نے شرکت کی۔ اس موقع پر فارغ التحصیل طلباء و طالبات کے والدین،رشتے داروں اور علاقہ بھر کی نمایاں شخصیات بھی موجود تھیں۔ آج کے کانووکیشن فال 2023اور سپرنگ 2024کا انعقاد کیا گیا ہے۔۔ آج کے دِن مجموعی طور پر 1296طلباء و طالبات کو ڈگریاں دی گئی۔ جن میں 954بی ایس،303ایم ایس آج کی تقریب کی خصوصی بات 39طلباء و طالبات کو PhDکی ڈگریز دی گئیں۔
تقریب کے مہمان خصوصی ڈاکٹر ایس ایم جنید زیدی طلباء و طالبات اور اُن کے والدین کو مبارکباد دی اور اس بات پر زور دیا کہ اب اُن کے لئے عملی میدان میں چیلنجز سے نمٹنے کیلئے آپ جدید ٹیکنالوجی سے لیس ہونا چاہے۔ اُنہوں نے اس اُمید کا اظہار کیا کہ کامسیٹس نے اُن کو علمی دُنیا میں جو بنیاد فراہم کی ہے اُس کے بل بوتے پر ترقی کی اعلیٰ منازل حاصل کریں گے۔ اس موقع پر اُنہوں نے کہا کہ صرف حصول علم ہی کافی نہیں جب تک اس کے ساتھ اخلاق کی بلندی اور نظم کی پاسداری نہ ہو۔ اپنے خطاب میں اُنہوں نے واضح کیا کہ پاکستان سے مشکل وقت بیت گیا ہے اب آپ کے لئے ترقی کے نئی راہیں ہموار ہورہی ہیں۔ اُنہوں نے طلباء و طالبات کو ہدایت کی کہ اپنی آئندہ زندگی کی بنیاد اعلیٰ اخلاقی اقدار، دیانت، وفاداری اور کام میں لگن پر استوار کرکے پاکستان کی فلاح اور ترقی کے لئے کام کریں۔مہمان خصوصی نے افواج پاکستان کا خصوصی شکریہ ادا کیا کہ جنہوں نے ہر موقع پر کامسیٹس یونیورسٹی کی مدد کی بلخصوص کامسیٹس ایبٹ آباد کیمپس کے لئے جگہ فراہم کی جس بدولت آج کامسیٹس ایبٹ آباد کیمپس میں 5700سے زائد طلباء و طالبات زیر تعلیم ہیں۔ اُنہوں نے مرکزی اور صوبائی حکومت کو بھی تعلیم دوست اقدامات پر خراج تحسین پیش کیا۔ اُنہوں نے اس بات پر زور دیا کہ نوجوان اس ملک کا طاقتور اثاثہ ہیں اُنہوں نے طلباء پر زور دیا کہ وہ علم کی طاقت استعمال کرکے اس ملک میں نمایاں تبدیلی لاسکتے ہیں۔ ڈائریکٹرمیرٹ پروفیسر ڈاکٹرامتیاز علی خان نے ادارے کی کاکردگی رپورٹ، تعلیمی وتحقیقی سرگرمیوں پر روشنی ڈالی۔ اُنہوں نے ادارے کے قیام سے لیکر اب تک کی ترقی کو اطمینان بخش قرار دیااور کہا کہکامسیٹس یونیوسٹی اسلام آباد ایبٹ آباد کاجو پودہ3شعبہ جات اور 121طلبہ کے ساتھ سن 2001میں لگایا گیا تھا۔وہ اب ایک ثمر بار تناور درخت کی شکل میں آپ کے سامنے ہے۔ جس میں اس وقت 5700طلبہ12مختلف شعبہ جات میں تعلیم وتربیت حاصل کررہے ہیں۔اس سال مزید 2نئے ڈیپارٹمنٹس جن میں Economicsاور Computer Engineeringکااجراء کیا گیا۔ اس کے ساتھ 3نئے پروگرامز جن میں Business Data Analytics، Mathematics with Data Science اور Medical Lab Technology بھی شروع کئے گئے ہیں۔
ہمارے تمام پیشہ ورانہ پروگرامز مجاز اداروں سے تسلیم و تصدیق شدہ ہیں۔ کامسیٹس ایبٹ آباد سے اب تک تقریباً20100طلبہ اپنی تعلیم مکمل کرکے ملک و قوم کی خدمت میں مصروف عمل ہیں۔ان فارغ التحصیل طلبہ میں بی ایس16075 ، 1380ماسٹرز اور 179 پی ایچ ڈی بھی شامل ہیں۔اور آج مزید 39سکالرز PhDکی ڈگری حاصل کی ہے۔ اُنہوں نے کہا گزشتہ سال کامسیٹس یونیورسٹی نے 1500سے زیادہ تحقیق مقالے شائع نیا ریکارڈ قائم کیا ہے جن میں بڑا حصہ ایبٹ آباد کیمپس نے ادا کیا۔ اس موقع پر ڈائریکٹر، انتظامی افسران خاص طور پر سٹوڈ نٹس آفیئر ڈیپارٹمنٹ، سیکورٹی آفیسر،ایڈمن آفسیر کا اعلیٰ انتظامات پر تہہ دل سے شکریہ ادا کیا ہے۔ اس موقع پر طلباء و طالبات نے اپنی نمایاں کاکردگی کو والدین کی دعاؤں اور اساتذہ کی انتھک محنت کا صلہ قرار دیا۔
